બોલીવુડ અભિનેતા રણવીરસિંહની કારને નડ્યો અકસ્માત -જુઓ વિડીયો

અકસ્માતની કેટલીક ઘટનાઓ સામે આવતી રહેતી હોય છે. હાલમાં પણ અકસ્માતની આવી જ એક ઘટના સામે આવી રહી છે. બોલિવૂડનાં દિગ્જ અભિનેતા રણવીર સિંહ (Ranveer Singh) કોઇને કોઇ કારણસર ચર્ચામાં રહેતાં હોય છે. સોશિયલ મીડિયા (Social Media) પર પણ તે એનાં યૂનિક ડ્રેસિંગ સેન્સ તથા ફની વીડિયો (Ranveer Singh Video)ને લીધે ફેન્સની વચ્ચે ચર્ચામાં રહેતાં હોય છે.

આની વચ્ચે રણવીર સિંહનો એક વીડિયો ખુબ જ વાયરલ થઇ રહ્યો છે. જેમાં તે એની કારને તપાસ કરતો નજર આવી રહ્યો છે તથા થોડો પરેશાન પણ દેખાઈ રહ્યો છે. આપને જણાવી દઇએ કે, રણવીર સિંહ (Ranveer Singh Car)નો આ વીડિયો તે સમયનો છે કે, જ્યારે એક બાઇક સવારે એની કારને પાછળથી ટક્કર મારી દીધી હતી.

આ ઘટનાનો વીડિયો ખુબ ઝડપથી વાયરલ થઇ રહ્યો છે. વીડિયોમાં રણવીર સિંહ એની કારમાંથી નીચે ઉતરીને પાછળ આવીને જુએ છે કે, એની કારને કેટલું નુક્શાન થયું છે. ત્યારબાદ એ ફરી પાછો ગાડીમાં જઇ બેસી જાય છે. જો કે, વિડીયોને જોતા જણાઈ આવે છે કે, ગાડીને કોઈ ખાસ નુક્શાન થયું નથી.

ગાડીમાં સામાન્ય સ્ક્રેચીસ આવ્યાં છે. આ ઘટના મુંબઇમાં આવેલ બાન્દ્રા વિસ્તારમાં બની હતી. જ્યાં રણવીર કારમાંથી ઉતરીને તેની કારની તપાસ કરી રહ્યો છે પરંતુ આની વચ્ચે જેમ લોકોએ એમનાં ફેવરેઇટ એક્ટરને જોયો તો ભીડ એકત્ર થઇ ગઇ હતી. જેને લીધે રણવીર ફરી પાછો કારમાં આવીને બેસી જાય છે.