રામકથા ‘કલાકાર’ મોરારીબાપુએ સ્વામિનારાયણ સંપ્રદાયની લાગણી દુભાવ્યા પછી માફી માંગી તે વીડિયો જૂનો- જાણો અહીં

ગત પાંચ સપ્ટેમ્બરના રોજ એક વિડીયો વાઈરલ થયો હતો જેમાં રામકથા માટે જાણીતા કલાકાર મોરારિ બાપુ સ્વામિનારાયણ ભગવાનના કિશોર અવસ્થાના નીલકંઠ વર્ણી રૂપને ખંડિત કરતું નિવેદન આપ્યું હતું અને વિશ્વભરના લાખો સ્વામિનારાયણ સંપ્રદાયના અનુયાયીઓની લાગણી દુભાવી હતી. ત્યારબાદ સ્વામિનારાયણ સંપ્રદાય સહિત અન્ય સાધુ સમાજે આ નિવેદનને વખોડયું હતું અને સોશિયલ મીડિયામાં અનેક મેસેજો ફરતા થયા હતા.

ત્યાર બાદ બે દિવસ અગાઉ એક વીડિયો વાયરલ થયો છે. જેમાં મોરારીબાપુ મિચ્છામિ દુક્કડમ કહીને માફી માંગતા હોય તેવું કહેવામાં આવી રહ્યું હતું. પરંતુ આ વીડિયો નું પાછળ નું દ્રશ્ય જોતા ત્રિશુલ ન્યુઝ ને હકીકત તપાસતા જાણવા મળ્યું કે, આ વિડિયો જૂનો છે. આ વિડીયો 3 સપ્ટેમ્બર 2019 અને મહુવા ખાતે નો છે, જેમાં જૈન સમુદાય માફીપર્વ ઉપક્રમે મિચ્છામી દુક્કડમ કહીને માફી પર્વની ઉજવણી કરતા હોય છે તેવી રીતે જૈન સમુદાયના વખાણ કરીને પોતે પણ પોતાની ભૂલચુક ની માફી માંગી હતી. પરંતુ આ વિડીયો ની ક્લિપ કટ કરીને મોરારીબાપુ ના સમર્થકો દ્વારા માફી માંગી લીધી છે તેવા મેસેજ ફરતા કર્યા હતા જે બિલકુલ ખોટા છે. આ માફી તેમણે નીલકંઠના ખંડન બાબતે નહિ પણ સાર્વજનિક ભૂલ માટે માંગી હતી.

મોરારી બાપુ એ નીલકંઠ વર્ણી ના રૂપનું ખંડન પાંચ તારીખે કર્યું હતું તેવું લખાઈને વિડીયો વાઈરલ થયા હતા જેનું સત્ય જાણવું પણ જરૂરી હતું. આ વિડીયો હકીકતમાં ઓગસ્ટ મહિનામાં પેરીસ ની એક કથા નો છે, જ્યાં તેઓએ આ નિવેદન કર્યું હતું અને ૫ સપ્ટેમ્બરએ વાઈરલ થયું હતું. જે પછી તેમનું નીલકંઠ ના ખંડન કરતા નિવેદન બાબતે માફી માંગતું હજી કોઈ નિવેદન જાહેર થયું નથી. આમ માફી માંગતો જે વીડિયો વાયરલ થયો છે. તે પાંચ તારીખે વિડીયો વાઈરલ થવાની ઘટના પહેલાનો હોવાનું બહાર આવ્યું છે.