October 06, 2024
આ ઘટના વિષે જેણે પણ જોયું કે સાંભળ્યું તેમની આંખો ભરાઈ ગઈ હતી. હાલમાં એક એવી ઘટના બની છે જેમાં બાળકની આંખો પણ ખુલી ન હતી અને તેની માતાનું દૂધ પણ પીધુ નહોતું, તેણે આ દુનિયામાં આવતાની સાથે જ આટલી મોટી જવાબદારી નિભાવવી પડી હતી. તમામ ધાર્મિક વિધિઓ વચ્ચે માતાને ત્રણ દિવસના બાળકનો હાથ અડાડીને માતાને મુખાગ્નિ આપવામાં આવી હતી.
રાજા હરિશચંદ્ર મુક્તિધામે મંગળવારે ખૂબ જ હૃદયસ્પર્શી દ્રશ્ય જોયું. પ્રસૂતાનાં મૃત્યુ બાદ પિતાએ તેના ત્રણ દિવસના બાળક સાથે ચિતાને મુખાગ્નિ આપી. આ ત્રણ દિવસનાં દિકરાએ માતાને મુખાગ્નિ આપતા જોઈને, દરેકની નજરમાંથી આંસુ સરી પડ્યા હતા. પ્રસૂતાનું ઈંદોરમાં સોમવારે સાંજે સારવાર દરમિયાન મૃત્યુ થયું હતું. ખંડવા લેડી બટલરમાં દાખલ થતાં પ્રસૂતિની હાલત ખરાબ થઇ હતી. પરિવારે આરોપ લગાવ્યો કે, લેડી બટલરે સારવાર દરમિયાન બેદરકારી દાખવી હતી અને પરિસ્થિતિ બગડવાની શરૂઆત થતાં તરત જ તેમને ઇન્દોર રિફર કરવામાં આવ્યા હતા.
મંગળવારે સવારે મૃતક મમતાના અંતિમ સંસ્કાર રાજા હરિશચંદ્ર મુક્તિ ધામ ખાતે કરવામાં આવ્યા હતા. અંતિમ યાત્રા રામનગરથી નીકળી હતી. આર્થીની આગળ પિતા રાહુલ તેના ત્રણ દિવસના નવજાત બાળકને લઈને ચાલતા હતા. મુક્તિધામમાં તમામ પ્રવૃત્તિઓ પૂર્ણ કર્યા પછી રાહુલે ત્રણ દિવસના નવજાત બાળકનો હાથ લગાવીને પત્નીને અગ્નિદાહ આપ્યો હતો. આ હૃદયસ્પર્શી દ્રશ્ય જોઇને દરેકની આંખમાંથી આંસુઓ નીકળી ગયા હતા.
Trending News
ચિકિત્સા વિભાગમાં જ લેખાપાલ આરસી પંચોરેની વહુ મમતા, પતિ રાહુલ પંચોરેને પ્રસવપીડાને કારણે લેડી બટલર હોસ્પિટલમાં દાખલ કરવામાં આવી હતી. પરિવારે આરોપ લગાવ્યો હતો કે લેડી બટલરના પ્રભારી ડો. લક્ષ્મી ડુડવેએ ઓપરેશન કરવાનો ઇનકાર કર્યો હતો. ત્યારબાદ અન્ય ડોકટરો દ્વારા 15 ઓગસ્ટે બપોરે 12 વાગ્યે ઓપરેશન કરવામાં આવ્યું હતું. ઓપરેશનમાં યુવતીએ એક બાળકને જન્મ આપ્યો. આ દરમિયાન માતાની સ્થિતિ બગડવાની શરૂઆત થઈ હતી અને તે બેહોશ થઈ ગઈ હતી. બીજા દિવસે 16 ઓગસ્ટના રોજ સાંજે 5 વાગ્યે, જ્યારે તેને હોશ આવ્યો, ત્યારે હાજર ડોકટરોએ તેમને થોડું પ્રવાહી આપવાનું કહ્યું. આશરે અડધા કલાક પછી યુવતીની સ્થિતિ બગડવાની શરૂઆત થઈ.
યુવતીના મામા સસરા સુનિલ આર્યાએ જણાવ્યું કે, આ વાતની જાણકારી ત્યાં હાજર ડોક્ટરોને પ્રસૂતાની સાથે હાજર તેની સાસુએ આપી હતી. ત્યાંના ડોકટરે માતાની હાલત ગંભીર હોવાનું જણાવ્યું હતું. કેસની માહિતી મળતાં અન્ય સબંધીઓ પણ લેડી બટલર હોસ્પિટલમાં પહોંચ્યા હતા. સુનિલ આર્યનો આરોપ હતો કે, ત્યાં હાજર રહેલા ડો. મોહિત ગર્ગ યોગ્ય રીતે વાત કરવા તૈયાર ન હતા. તેઓ વેન્ટિલેટર પર રાખવા પડશે તેવું જ કહી રહ્યા હતા.
પરિવારે આજીજી કરી ત્યારે પણ ડો. ગર્ગ વાત કરવા તૈયાર થયા નહી. આ દરમિયાન હાલત બગડતી જોઇને રાતના દસ વાગ્યે, પરિવાર ત્યાંથી રીફર કરાવીને તેમને ઈન્દોર લઈ ગયા હતા. સુનિલ આર્યએ જણાવ્યું કે, આ સમયગાળા દરમિયાન તેનું બીપી લો થઈ ગયું હતુ. ઇંદોરમાં સારવાર દરમિયાન તેનું મૃત્યુ થયું હતું.
પ્રસૂતિના ફેફસાંમાં પાણી જતુ રહ્યુ હતું. લેડી બટલર અને જિલ્લા હોસ્પિટલમાં વેન્ટિલેટર ન હતા. અમે આ માહિતી બાળકના પરિવારને આપી હતી. રીફરની તમામ કાર્યવાહી કર્યા પછી તરત જ ઈન્દોર સારવાર માટે મોકલવામાં આવી હતી. ત્યાં તેનું મૃત્યુનું કયા કારણસર થયું તેની જાણકારી મને નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle