ફરી એકવાર જોવા મળ્યો માહી ભાઈનો જલવો: છગ્ગા પર છગ્ગા મારી સ્ટેડીયમ ધ્રુજાવી દીધું…વિડીયોમાં જુઓ ધોનીએ ફટકારી સિક્સરની હેટ્રિક

MS Dhoni New Record in IPL 2024: ધીરજના ફળ મીઠા હોય છે અને જ્યારે પણ એમએસ ધોની બેટિંગમાં ધીરજ રાખે છે ત્યારે તેના ચાહકો માટે તેના ફળ સૌથી મીઠા હોય છે, જ્યારે સામેની ટીમે કડવા સ્વાદ સાથે જીવવું પડે છે. આઈપીએલ 2024ની સીઝનમાં પણ કંઈક આવું જ જોવા મળી રહ્યું છે, જ્યાં દરેક લોકો એમએસ ધોનીના (MS Dhoni New Record in IPL 2024) બેટિંગની રાહ જોઈ રહ્યા છે, જ્યારે પણ ધોની બેટિંગ કરવા આવે છે ત્યારે તે પોતાના ફેન્સને ખુશ કરીને પરત ફરી રહ્યો છે. મુંબઈ ઈન્ડિયન્સ સામેની મેચમાં પણ ધોનીએ મનોરંજનમાં કોઈ કસર છોડી ન હતી અને હાર્દિક પંડ્યા સામે સિક્સરની હેટ્રિક સાથે શો ચોર્યો હતો.

ધોની કદાચ છેલ્લી વખત ક્રિકેટર તરીકે મુંબઈના વાનખેડે સ્ટેડિયમમાં રમ્યો હતો. આ જ મેદાન પર 13 વર્ષ પહેલા 2 એપ્રિલે તેણે શાનદાર સિક્સ ફટકારીને ભારતને બીજી વખત વર્લ્ડ ચેમ્પિયન બનાવી કરોડો ભારતીયોને ખુશ કર્યા હતા. તે છગ્ગાની યાદ આજે પણ દરેક ભારતીય ચાહકોના મનમાં છે. હવે આ જ ગ્રાઉન્ડ પર ધોનીની આ 3 સિક્સ પણ તેના મગજમાં રહેશે.

DO NOT MISS

MSD 🤝 Hat-trick of Sixes 🤝 Wankhede going berserk

Sit back & enjoy the LEGEND spreading joy & beyond 💛 😍

Watch the match LIVE on @JioCinema and @StarSportsIndia 💻📱#TATAIPL | #MIvCSK | @msdhoni | @ChennaiIPL pic.twitter.com/SuRErWrQTG

— IndianPremierLeague (@IPL) April 14, 2024

ધોની આવતાની સાથે જ સ્ટેડિયમ ગૂંજી ઉઠ્યું હતું
રવિવાર, 14 એપ્રિલના રોજ ચેન્નાઈ સુપર કિંગ્સે મુંબઈ ઈન્ડિયન્સ સામે પ્રથમ બેટિંગ કરી અને 20 ઓવરમાં 206 રન બનાવ્યા. તેના માટે રૂતુરાજ ગાયકવાડ અને શિવમ દુબેએ શાનદાર ઇનિંગ્સ રમી હતી પરંતુ છેલ્લી ઓવરમાં ધોની ક્રિઝ પર આવ્યો ત્યારે જ વાતાવરણ સર્જાયું હતું. ધોની 20મી ઓવરના ત્રીજા બોલ પર ક્રિઝ પર પહોંચ્યો અને તેની સામે મુંબઈનો કેપ્ટન હાર્દિક હતો. ધોનીને બેટિંગ કરવા આવતા જોઈને ચાહકો ખૂબ ખુશ થયા અને આખું વાનખેડે સ્ટેડિયમ ધોની-ધોનીના નાદથી ગુંજી ઉઠ્યું.