November 24, 2024
દેશની આર્થિક રાજધાની મુંબઈ(Mumbai)માં ગેસ વિતરણ કંપની મહાનગર ગેસ લિ. (MGL)એ CNGના ભાવમાં પ્રતિ કિલો રૂ. 6નો વધારો કર્યો છે. આ સિવાય પાઈપ્ડ રાંધણ ગેસ (PNG)ની કિંમતમાં 4 રૂપિયા પ્રતિ યુનિટ (SCM)નો વધારો કરવામાં આવ્યો છે. નવી કિંમતો સોમવાર રાતથી લાગુ થશે.
આ સાથે મુંબઈ અને આસપાસના વિસ્તારોમાં વાહનોમાં ઈંધણ તરીકે ઉપયોગમાં લેવાતા કોમ્પ્રેસ્ડ નેચરલ ગેસ (CNG)ની છૂટક કિંમત વધીને 86 રૂપિયા પ્રતિ કિલો થઈ ગઈ છે. તે જ સમયે, સ્થાનિક પીએનજીની કિંમત પ્રતિ SCM 52.50 રૂપિયા હશે.
આ કારણે ભાવમાં થયો વધારો:
જાહેર ક્ષેત્રની કંપનીએ કહ્યું છે કે સરકારે 1 ઓક્ટોબરથી ગેસના ભાવમાં 40 ટકાનો વધારો કર્યો છે, જેના કારણે તેણે આ પગલું ભરવું પડ્યું છે. પેટ્રોલિયમ મંત્રાલય હેઠળના પેટ્રોલિયમ પ્રાઇસ એન્ડ એનાલિસિસ સેલે 30 સપ્ટેમ્બરે 1 ઓક્ટોબરથી આગામી છ મહિના માટે સ્થાનિક સ્તરે ઉત્પાદિત ગેસના ભાવમાં 40 ટકાનો જંગી વધારો કરવાની જાહેરાત કરી હતી. આ પહેલા 1 એપ્રિલે આંતરરાષ્ટ્રીય કિંમતોને ટાંકીને ગેસના ભાવમાં 110 ટકાનો વધારો કરવામાં આવ્યો હતો.
Trending News
વર્ષમાં બે વાર ભાવ વધે છે:
સરકાર વર્ષમાં બે વાર 1 એપ્રિલ અને 30 સપ્ટેમ્બરે ગેસના ભાવમાં સુધારો કરે છે. MGLએ કહ્યું છે કે આ વધારા બાદ CNG અને પેટ્રોલ વચ્ચેની કિંમતમાં બચત ઘટીને 45 ટકા થઈ ગઈ છે. તે જ સમયે, PNG અને LPG વચ્ચેનો આ તફાવત માત્ર 11 ટકા જ રહ્યો છે. દેશના અન્ય શહેરોમાં પણ કુદરતી ગેસના ભાવમાં વિક્રમી વધારા બાદ તરત જ સીએનજી 8 થી 12 રૂપિયા પ્રતિ કિલો મોંઘો થઈ શકે છે, જ્યારે રાંધણ ગેસના ભાવમાં 6 રૂપિયાનો વધારો થઈ શકે છે.
સરકારે કર્યો ગેસના ભાવમાં વધારો:
સરકારે ગયા અઠવાડિયે જૂના ગેસ ફિલ્ડમાંથી ઉત્પાદિત ગેસ માટે ચૂકવવામાં આવતા દરને વર્તમાન $6.1 પ્રતિ મિલિયન બ્રિટિશ થર્મલ યુનિટ (પ્રતિ યુનિટ)થી વધારીને $8.57 પ્રતિ યુનિટ કર્યો છે. તે જ સમયે, મુશ્કેલ વિસ્તારોમાંથી કાઢવામાં આવતા ગેસની કિંમત $9.92 થી વધારીને $12.6 પ્રતિ યુનિટ કરવામાં આવી છે. આ દરના આધારે દેશમાં ઉત્પાદિત ગેસનો લગભગ બે તૃતીયાંશ ભાગ વેચાય છે. કુદરતી ગેસ ખાતર બનાવવા તેમજ વીજળી ઉત્પન્ન કરવા માટેનો મુખ્ય કાચો માલ છે. તેને સીએનજીમાં પણ રૂપાંતરિત કરવામાં આવે છે અને પાઇપ્ડ (PNG)નો ઉપયોગ રસોડામાં ખોરાક રાંધવા માટે પણ થાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.