માં દીકરીનો ફૂલ જેવો હસતો ચહેરો કાયમ માટે કરમાઈ ગયો- સમગ્ર ઘટના જાણી ચોંકી ઉઠશો

ઘર કંકાસથી કંટાળીને અવાર-નવાર આપઘાતની ઘટનાઓ સામે આવતી રહે છે. ત્યારે આજરોજ આવી જ એક ઘટના અમદાવાદમાંથી સામે આવી છે. ઘર કંકાસથી કંટાળીને પહેલા તો માતાએ ફૂલ જેવી દીકરીની હત્યા કરી અને ત્યાર બાદ પોતે પણ આત્મહત્યા કરી જીવન ટૂંકાવ્યું હોવાની ઘટના બની છે. ઈસનપુર પોલીસે હત્યા અને દુષ્પ્રેરણાની અલગ અલગ બે ફરિયાદ નોંધી સાસરિયા પક્ષના 6 લોકોની ધરપકડ કરી પોલીસે વધુ તપાસ શરૂ કરી છે.

અમદાવાદમાં આવેલ ઇસનપુર વિસ્તારમાં રવિવારે વહેલી સવારે માતા અને દોઢ વર્ષની ફૂલ જેવી દીકરી ગળે ફાંસો ખાધેલી હાલતમાં મળી આવ્યા હતા. મળતી માહિતી અનુસાર, ઘર કંકાસથી કંટાળીને ફૂલ જેવી બાળકીની હત્યા કરી દીધી અને બાદમાં પોતે આપઘાત કરી મોતને વ્હાલું કર્યું હતું. પોલીસને જાણ કરતા ઘટના સ્થળે પહોંચી આવી તપાસ કરતા માતા નિમિષા સોલંકીએ દોઢ વર્ષની બાળકી મૈત્રીને ગળેફાંસો આપી હત્યા કરી દીધી અને બાદમાં માતા આત્મહત્યા કરી જીવન ટૂંકાવ્યું હતું.

અત્રે ઉલેખનીય છે કે, માતાનું આ પગલું ભરવા પાછળનું કારણ ઘર કંકાસ હતું. જેથી પરિણીતાના સાસરિયા વિરુદ્ધ આત્મહત્યા માટે દુષ્પ્રેરણા કરવાનો ગુનો નોંધી પોલીસે મૃતકના પતિ,સાસુ-સસરા સહિત 6 લોકોની ધરપકડ કરી છે. પોલીસનું કહેવું છે કે, રાત્રે આ પરિવારમાં ઝઘડો થયો હતો અને બાદમાં રાત્રે બધા સુવા ગયા ત્યારે પરિણીતાએ પુત્રીની હત્યા કરી પોતે આપઘાત કર્યો હતો અને જેથી બે અલગ અલગ ફરિયાદ નોંધી કાર્યવાહી કરવામાં આવી છે.

મૃતક નિમિષાનો પતિ જિતેન્દ્ર સોલંકી