જોતજોતામાં 12 વર્ષનો બાળક વીજળીનો તાર અડતા બળીને રાખ થઇ ગયો- જાણો કયાની છે આ ખોફનાક ઘટના

સોમવારે સવારે 12 વર્ષીય બાળકનું કરંટ લાગવાથી મૃત્યુ થયું હતું. છોકરો રસ્તાની બાજુમાં મુકેલી લોખંડની સીડીના સંપર્કમાં આવ્યો. આ સીડી ઇલેક્ટ્રિક વાયરને સ્પર્શ કરતી હતી. તેમાં ચાલતો હાઈવોલ્ટેજ કરંટનો અંદાજ એ વાતથી લગાવી શકાય છે કે, થોડીક જ સેકંડમાં છોકરાના શરીરમાં આગ લાગી અને તે ઘટના સ્થળે જ મૃત્યુ પામ્યો.

પોલીસ સ્ટેશનના સિનિયર પોલીસ ઇન્સ્પેક્ટર યોગેશ ગાવડેએ જણાવ્યું કે, છોકરાની ઓળખ થઈ શકી નથી. એવું માનવામાં આવે છે કે, તે ફૂટપાથ પર રહેતો હતો. આ ઘટના સોમવારે સવારે 8:52 વાગ્યાં આસપાસ સેક્ટર 7માં શિવશંકર પ્લાઝા 2માં દુકાન નંબર 7ની સામે બની હતી. ઘટના સ્થળ પર સ્થાપિત સીસીટીવી કેમેરામાં કેદ થઈ હતી. વીડિયોના આધારે પોલીસ દ્વારા અકસ્માત મોતનો અહેવાલ નોંધવામાં આવ્યો છે.

યોગેશ ગાવડેએ જણાવ્યું હતું કે, મૃતકના પરિવારજનોનો કોઈ પત્તો બહાર આવ્યો નથી. અમે તેને શોધી રહ્યા છીએ. આટલી મોટી લોખંડની સીડી કેમ ત્યાં રાખવામાં આવી હતી તેની પણ તપાસ કરવામાં આવી રહી છે. જો આમાં કોઇ બેદરકારી દાખવે છે તો કડક કાર્યવાહી કરવામાં આવશે.

Heart-wrenching, A12-year-old boy electrocuted to death in Airoli #navimumbai pic.twitter.com/VSxOYWZtQi

— Anand N. Ingle (@anand_ingle89) February 22, 2021