November 24, 2024
Ghaziabad Aligarh Highway: ગાઝિયાબાદ-અલીગઢ હાઈવે (NH-91) પર 100 કલાકમાં 100 લેન કિલોમીટર બિટ્યુમિનસ કોંક્રીટ (ડામર રોડ બનાવી) નવો રેકોર્ડ બનાવ્યો છે. આ કામમાં 200 રોડરોલર (200 Roadroller) અને બે હજારથી વધુ મજૂરો કામે લાગ્યા હતા. વડાપ્રધાન નરેન્દ્ર મોદી (Prime Minister Narendra Modi) અને કેન્દ્રીય મંત્રી નીતિન ગડકરી (Union Minister Nitin Gadkari) એ સિક્સ લેન હાઈવે (Six Lane Highway) ની આ સિદ્ધિની ઉજવણી કરી હતી. અગાઉ 100 કલાકમાં 75 લેન કિલોમીટર રોડ બનાવવાનો રેકોર્ડ હતો. આ સિક્સ લેન હાઈવેની સુંદરતા માટે ઘણી કાળજી લેવામાં આવી છે. હાઈવેની વચ્ચે ડિવાઈડર પર સંપૂર્ણ હરિયાળી છે. તમને જણાવી દઈએ કે, વર્ષ 2011માં NHAIએ આ હાઈવેને ફોર લેન બનાવ્યો હતો. હવે તેને સિંગાપોરની ક્યુબ હાઈવે કંપનીના સહયોગથી સિક્સ લેન બનાવવામાં આવી રહી છે.
A notable accomplishment on a very important highway route. It manifests the importance given to both speed and embracing modern methods for better infrastructure. https://t.co/I5SI0HZ8iA
— Narendra Modi (@narendramodi) May 19, 2023
PMએ કહ્યું- નોંધપાત્ર ઉપલબ્ધિ
વડાપ્રધાન નરેન્દ્ર મોદીએ ટ્વીટ કરીને લખ્યું- ‘ખૂબ જ મહત્વપૂર્ણ હાઇવે પર નોંધપાત્ર ઉપલબ્ધિ. આ બહેતર ઈન્ફ્રાસ્ટ્રક્ચર માટે ગતિ અને આધુનિક પદ્ધતિઓ અપનાવવા બંનેને આપવામાં આવેલ મહત્વ દર્શાવે છે.’
Trending News
Another Record: 100 Lane Km of Bituminous Concrete laid in a record-breaking 100 hours at the Ghaziabad-Aligarh Expressway.#PragatiKaHighway #GatiShakti pic.twitter.com/NBgvusAKNJ
— Nitin Gadkari (@nitin_gadkari) May 19, 2023
નીતિન ગડકરીએ તેને ભારતનું સમર્પણ ગણાવ્યું
રોડ ટ્રાન્સપોર્ટ અને હાઈવે મિનિસ્ટર નીતિન ગડકરીએ ટ્વિટ કર્યું- ‘આ સિદ્ધિ ભારતના રોડ, ઈન્ફ્રાસ્ટ્રક્ચર, ઈન્ફ્રાસ્ટ્રક્ચર ઉદ્યોગના સમર્પણની વાત કરે છે. હું ક્યુબ હાઈવેઝ, એલ એન્ડ ટી અને ગાઝિયાબાદ-અલીગઢ એક્સપ્રેસવે પ્રાઈવેટ લિમિટેડની અસાધારણ ટીમોને તેમની ઉત્કૃષ્ટ સિદ્ધિ બદલ અભિનંદન આપું છું. ગાઝિયાબાદ-અલીગઢ સેક્શન 118 કિલોમીટર લાંબો છે. આ પ્રોજેક્ટ ગાઝિયાબાદથી શરૂ થાય છે અને દાદરી, ગૌતમ બુદ્ધ નગર, સિકંદરાબાદ, બુલંદશહર, ખુર્જામાંથી પસાર થાય છે. તે એક મહત્વપૂર્ણ વેપાર માર્ગ તરીકે સેવા આપે છે. માલની હિલચાલની સુવિધા આપે છે. ઔદ્યોગિક વિસ્તારો, કૃષિ વિસ્તારો, શૈક્ષણિક ક્ષેત્રોને જોડીને પ્રાદેશિક આર્થિક વિકાસમાં ફાળો આપે છે.
કેન્દ્રીય મંત્રી નીતિન ગડકરીએ કહ્યું, ‘અમે આ પ્રોજેક્ટમાં કોલ્ડ સેન્ટ્રલ પ્લાન્ટ રિ-સાયકલિંગ (CCPR) લાગુ કર્યું છે. ગ્રીન ટેક્નોલોજીએ લગભગ 2 મિલિયન ચોરસ મીટર રસ્તાની સપાટીને આવરી લેતા 90 ટકા મિલ્ડ મટિરિયલનો ઉપયોગ કર્યો છે. આનાથી વર્જિન સામગ્રીના વપરાશમાં 10 ટકાનો ઘટાડો થયો છે. આ અભિગમ અપનાવીને, અમે ઇંધણના વપરાશ અને ગ્રીનહાઉસ ગેસના ઉત્સર્જનમાં નોંધપાત્ર ઘટાડો કર્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.