November 03, 2024
એક આઘાતજનક ઘટનામાં 1 જાન્યુઆરીના રોજ એક એર મોરિશિયસ એરબસ A330-900 ના ડસ્ટબીનમાં લોહીથી લથપથ ટોઇલેટ પેપરમાં ઢંકાયેલું નવજાત બાળક મળી આવ્યું હતું. એરપોર્ટ અધિકારીઓએ નિયમિત કસ્ટમ ચેક દરમિયાન બાળક મળી આવ્યું હતું.
શૌચાલયમાં રાખેલા કચરામાંથી બાળક મળી આવ્યું:
બાળક મળ્યા પછી તરત જ, એક 20 વર્ષીય મેડાગાસ્કર મહિલાની ધરપકડ કરવામાં આવી છે જેણે ફ્લાઇટમાં જન્મ આપ્યો હોવાની શંકા હતી. અહેવાલ મુજબ, તે 1 જાન્યુઆરીએ તેના વતનથી ફ્લાઈટમાં મોરેશિયસના સર સીવુસાગુર રામગુલામ ઈન્ટરનેશનલ એરપોર્ટ પર આવી હતી. દરમિયાન, ‘બાળકને સારવાર માટે હોસ્પિટલમાં લઈ જવામાં આવ્યો હતો, અહેવાલ મુજબ તે સ્વસ્થ છે.’
અધિકારીઓને મહિલા પર શંકા છે:
અહેવાલમાં જણાવ્યું હતું કે શંકાસ્પદ માતા, જેણે શરૂઆતમાં છોકરાને જન્મ આપવાનો ઇનકાર કર્યો હતો; તેની મેડિકલ તપાસ કરવામાં આવી હતી. આ ટેસ્ટ પછી એ વાતની પુષ્ટિ થઈ કે તેણે તાજેતરમાં જ એક બાળકને જન્મ આપ્યો છે. તેને હોસ્પિટલમાં પોલીસની દેખરેખ હેઠળ રાખવામાં આવ્યો છે. કહેવામાં આવી રહ્યું છે કે મહિલા અને તેનું બાળક બંને ઠીક છે.
Trending News
બાળકને જન્મ આપનારી મહિલા તપાસમાં ખરાબ રીતે ફસાઈ ગઈ:
સ્થાનિક અખબાર લે મૌરીસિયનના જણાવ્યા અનુસાર, માલાગાસી મહિલા બે વર્ષની વર્ક પરમિટ પર મોરેશિયસ આવી હતી. હોસ્પિટલમાંથી મુક્ત થયા પછી, તેની પૂછપરછ કરવામાં આવશે અને પ્લેનના ડસ્ટબિનમાં નવજાતને છોડી દેવાનો આરોપ લગાવવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.