નિર્ભયાના બળાત્કારીઓને ગમે ત્યારે ફાંસીએ લટકાડવામા આવશે, તૈયારીઓ થઇ પૂરી

તિહાડ જેલમાં નિર્ભયાના ગુનેગારોને ફાંસીના માચડે લટકાવાની તમામ તૈયારીઓ પૂરી કરી દેવામાં આવી છે. નિર્ભયાના ચારેય ગુનેગારોને એક સાથે જ ફાંસીએ ચડાવવામાં આવશે તેવું માનવામાં આવી રહ્યું છે. તિહાડ જેલ દેશની પહેલી એવી જેલ બની ગઈ છે કે જ્યાં એક સાથે ચારેયને ફાંસી આપવા તૈયાર છે.

અત્યાર સુધી અહીં ફાંસી આપવા માટે એક જ તખ્તો તૈયાર હતો, પણ તેની સંખ્યા વધારીને હવે 4 કરી દેવામાં આવી છે. 16 ડિસેમ્બર, 2012 ના રોજ દિલ્હીમાં 6 નરાધમોએ ચાલુ બસે દિલ્હીમાં નિર્ભયા પર સામુહિક દુષ્કર્મની તમામ હદો પાર કરી તેને મોતના મુખમાં નાખી ફરાર થઈ ગયા હતાં.

તિહાડ જેલમાં તખ્તો તૈયાર કરવાનું કામ લોક નિર્માણ વિભાગ એટલે કે PWDએ ગયા સોમવારે જ પૂરું કરી લીધું હતું. તિહાડ જેલના સૂત્રોના જણાવ્યા પ્રમાણે આ કામ પૂરૂ કરવા માટે જેલની અંદર જેસીબી મસીન પણ મંગાવવામાં આવ્યું હતું.