તમે પણ સ્નાન કરતા સમયે નથી કરી રહ્યાને આવી ભૂલ? નહીંતર બની શકો છો આ ગંભીર બીમારીનો ભોગ

શું સ્નાન કરવાની કોઈ યોગ્ય રીત હોય છે? શું અયોગ્ય રીતે સ્નાન કરવાથી બ્રેઈન સ્ટ્રોક, હાર્ટ એટેક અથવા લકવો જેવી ગંભીર પરિસ્થિતિઓ થઈ શકે છે? શાવરનું પાણી સીધું માથા પર પડવાથી કોઈનો જીવ જઈ શકે? દરરોજ, આવા બધા પ્રશ્નો જે આપણને ડરાવે છે આ બધા સવાલ આપણા મનને પરેશાની તરફ ઘસેડવાનું કામ કરે છે. આવી પરીસ્થિતિ દરમિયાન, આમાંથી કેટલા પ્રશ્નો સાચા છે તે જાણવું આપના માટે ખૂબ જ મહત્વપૂર્ણ છે.

ન્યુરોલોજિસ્ટ ડૉ. વિનીત સૂરીના જણાવ્યા અનુસાર, એ વાત સાચી છે કે, સ્નાન કરતી વખતે ઘણી વખત બ્રેઈન સ્ટ્રોક કે હાર્ટ એટેકના કિસ્સાઓ જોવા મળે છે. પરંતુ, એ કહેવું બિલકુલ ખોટું છે કે, સ્નાન કરવાની ખોટી રીતને કારણે બ્રેઈન સ્ટ્રોક કે હાર્ટ એટેક જેવી ગંભીર સ્થિતિ સર્જાઈ શકે છે. અત્યાર સુધી મેડિકલ સાયન્સમાં આવી કોઈ થિયરી સામે આવી નથી. જ્યાં સુધી સ્નાન કરતી વખતે અથવા બાથરૂમમાં આવા ગંભીર હુમલાઓ થાય છે, તો તેનું મુખ્ય કારણ અયોગ્ય સ્નાન નથી, પરંતુ ઠંડીના સંપર્કમાં આવવાથી કોલ્ડ સ્ટ્રોક છે.

તેમજ ડોક્ટરોનું કહેવું છે કે, આપણા શરીરમાં થર્મોરેગ્યુલેશન સિસ્ટમ હોય છે, જે શરીરના આંતરિક તાપમાનને સંતુલિત કરવાનું કામ કરે છે. શિયાળાની ઋતુમાં ઠંડીને કારણે શરીરમાં કેટલાક ફેરફારો થાય છે, જેના કારણે થર્મોરેગ્યુલેશન સિસ્ટમ નબળી પડી જાય છે. નબળા થર્મોરેગ્યુલેશનને કારણે, શરીરને વેસોકોન્સ્ટ્રક્શનની સ્થિતિનો સામનો કરવો પડે છે. જેના કારણે ત્વચાની રક્તવાહિનીઓ સંકોચવા લાગે છે. થર્મોરેગ્યુલેશન અને વેસોકોન્સ્ટ્રક્શનને કારણે બ્લડ પ્રેશર વધે છે અને ક્યારેક સ્ટ્રોક જેવા ગંભીર રોગનો સામનો પણ કરવો પડે છે.

સ્નાન કરતી વખતે પહેલા પાણી માથા પર કે પગમાં નાખવું?
અત્યાર સુધીમાં એવો કોઈ કેસ કે અભ્યાસ જોવા મળ્યો નથી, જેમાં બ્રેઈન સ્ટ્રોક કે બ્રેઈન હેમરેજ માથામાં પાણીને કારણે થયું હોય. તેમજ કહેવામાં આવી રહ્યું છે કે, ઠંડીમાં શરીરના નબળા થર્મોરેગ્યુલેશન અને વાસોકોન્સ્ટ્રક્શનને કારણે બ્લડ પ્રેશર વધી શકે છે અને આ બ્લડપ્રેશર ક્યારેક બ્રેઈન હેમરેજનું કારણ બની જાય છે. આ બ્રેઈન હેમરેજને તમે જે રીતે સ્નાન કરો છો તેની સાથે કોઈ પણ પ્રકારનો સંબંધ નથી.