હવે તો સુરતમાં અસામાજિક તત્વો સોસાયટીમાં ઘૂસીને કરી રહ્યા છે મારામારી અને પઠાણી ઉઘરાણી

ગુજરાત રાજ્યમાં ક્રાઈમનાં બનાવોમાં સતત વધારો થાય છે. વારંવાર મારામારી, ચોરી, લૂંટફાટ તેમજ હત્યા જેવા બનાવો બહાર આવે છે. છેલ્લા લાંબા સમયથી અસામાજિક તત્વોનો આંતક દિવસેને દિવસે વધી રહ્યો છે. લુખ્ખાતત્વોને પોલીસની બીક રહી જ ન હોય તેમ, રૂપિયાની લેતી દેતિમાં કાયદો હાથમાં લઇને રૂપિયાની ઉઘરાણી માટે એક સોસાયટીમાં જઇને મારા મારી સાથે હંગામો માચાવ્યો હતો. જોકે આ અસામાજિક તત્વોની દાદાગીરી સીસીટીવીમાં કેદ થઈ ગયા બાદ આ વીડિયો વાઇરલ થયો છે.

આજરોજ આવી જ એક ઘટના સુરતમાંથી સામે આવી છે. સુરતના અમરોલી વિસ્તારમાં અસામાજિક તત્વોને કાયદાનો કોઈ પણ પ્રકારનો ડર ન હોય તેવી રીતે સોસાયટીની અંદર ઘરમાં ઘૂસીને બેફામ માર મારી રહ્યા છે. રૂપિયાની પઠાણી ઉગરાણી કરતા અને સોસાયટીમાં રહેતા લોકો સાથે છુટા હાથની મારામારી શરૂ થઈ ગઈ હતી. આ ઘટનાના પગલે સમગ્ર વિસ્તારમાં એક સમય માટે દોડધામ મચી જવા પામી હતી. જોકે મારામારી કરી રહેલા આ અસામાજિક તત્વો દ્વારા જે મકાનમાં રૂપિયાની ઉગરાણી કરવા માટે ગયા હતા, તે ઘરની મહિલા સાથે પણ ઘરમાં મારા મારી કરી ઈસમો ભાગી છૂટ્યા હતા.

આ સમગ્ર સમગ્ર ઘટના CCTV કેમેરામાં કેદ થઈ છે. સોશિયલ મીડિયામાં સમગ્ર ઘટનાના CCTV ફૂટેજ વાઈરલ થઈ રહ્યા છે. હાલમાં અમરોલી પોલીસ cctv ફૂટેજના આધારે આરોપીઓની શોધખોળ કરી રહી છે. રૂપિયા ની પઠાણી ઉઘરાણી કરી સોસાયટીની અંદર ઘરમાં ઘુસી બેફામ માર મારી રહ્યા છે. ઘટના સ્થળ ઉપર લોકો જમા થઈ ગયા હતા. અસામાજિક તત્વોએ લેડીસ ઉપર પણ હુમલો કર્યો હોવાનું cctv ફૂટેજમાં જોવા મળી રહ્યું છે.