હોટલ માલિકોની નજર હવે અયોધ્યા પર: અયોધ્યામાં રોકાણ કરવાના મૂડમાં આ દિગ્ગજ કંપનીઓ, 416 કરોડનો પ્રોજેક્ટ!

Ayodhya Ram Mandir: રામનગરીમાં રામ મંદિરની પ્રાણ પ્રતિષ્ઠા તારીખ 22 જાન્યુઆરીએ છે. રામ મંદિરને લઈને અયોધ્યા વિશ્વભરમાં પોતાનું ધ્યાનનું કેન્દ્ર બની ગયું છે. પ્રવાસન અને વ્યવસાયના અન્ય માધ્યમોને જોતા ઘણી કંપનીઓની નજર અયોધ્યા પર ટકેલી છે. ખાસ કરીને હોટેલ બિઝનેસ માટે મોટી કંપનીઓ અયોધ્યા(Ayodhya Ram Mandir) તરફ આવી રહી છે.

અયોધ્યામાં હોટલ બિઝનેસમાં મોટું રોકાણ જોવા મળી રહ્યું છે. કેટલાક અહેવાલોમાં દાવો કરવામાં આવી રહ્યો છે કે અગ્રણી હોટેલ કંપનીઓ અયોધ્યામાં તેમની શાખાઓ ખોલી રહ્યા છે. હાલમાં અયોધ્યામાં હોટલ માટે લગભગ 50 મોટા પ્રોજેક્ટ પણ ચાલી રહ્યા છે. ફૈઝાબાદ અને અયોધ્યામાં 100થી વધુ હોટલ છે. આવનાર દિવસોમાં દરરોજ એક લાખ લોકો અયોધ્યા પહોંચશે તેવી આશા વ્યક્ત કરવામાં આવી રહી છે.

મોટી કંપનીઓની અયોધ્યામાં હોટલ બનાવવા કવાયત
અયોધ્યામાં હોટલના રૂમનું ભાડું એક લાખ રૂપિયા સુધી પહોંચી જવમાં આવ્યું છે. આ સ્થિતિમાં આવનાર દિવસોમાં હોટલ બિઝનેસમાં મોટી તેજી જોવા મળી શકે છે. હોટલ ઉપરાંત અહીં ગેસ્ટ હાઉસ અને ધર્મશાળા અને હોમ સ્ટેની માંગ પણ ખુબ વધી રહી છે. તેને જોતા અહીં દેશની ઘણી મોટી કપનીઓ જેવી કે તાજ, ઓબેરોયથી લઈને રેડિસન સુધી હોટલ બનાવવા માટે દરેક કામ કરી રહ્યા છે.

હોટલોમાં રોકાણ કરી રહી છે આ કંપનીઓ
ઇન્ડિયન હોટેલ્સ કંપની લિમિટેડ (IHCL) એ અહીં પોતાના બે પ્રોજેક્ટ નક્કી કર્યા છે, જેમાં તાજ હોટેલ અને વિવાંતા જેવી મોટી કંપનીનો સમાવેશ કરવામાં આવે છે. આ સિવાય મેરિયોટ ઈન્ટરનેશનલ, સરોવર હોટેલ્સ એન્ડ રિસોર્ટ્સ, જેએલએલ ગ્રુપ અને રેડિસન પાર્ક ઈન્ક. અહીં હોટેલ સેક્ટરમાં રોકાણ કરી રહી છે. તાજ ગ્રુપ અયોધ્યામાં 3 ફાઈવ સ્ટાર હોટલ બનવાનું નક્કી કર્યું છે. આમાં 100 રૂમ સાથે અપસ્કેલ વિવાંતા અને 120 રૂમવાળી લીન લક્સ જીંજર હોટેલ વર્ષ 2027 સુધીમાં ખોલવામાં આવશે.