ટ્રાન્સપોર્ટ વિભાગે લીધો મોટો નિર્ણય: લર્નિંગ લાયસન્સ લેવા હવે RTO સુધી... Trishul News Gujarati

Learning License News: રાજ્ય સરકારના પરિવહન વિભાગે એક સમિતિની રચના કરી છે, લોકો ઘરે બેઠા પોતાનું લાઇસન્સ મેળવી શકે તે માટે પગલાં લેવામાં (Learning License News) આવશે, તેમને લર્નિંગ લાઇસન્સ મેળવવા માટે ઓફિસોમાં દોડધામ કરવાની ઝંઝટમાંથી મુક્તિ મળશે. રાજ્યમાં લર્નિંગ લાયસન્સ અંગે એક મોટા સમાચાર સામે આવ્યા છે.

ખરેખર, હવે તમારે લર્નિંગ લાઇસન્સ મેળવવા માટે દોડાદોડ કરવાની જરૂર રહેશે નહીં. મળતી માહિતી મુજબ, હવે તમે ઘરે બેઠા લાયસન્સ માટે અરજી કરી શકો છો. રાજ્ય સરકાર દ્વારા એક ખાસ સમિતિની રચના કરવામાં આવી છે. માહિતી અનુસાર, આ સમિતિ લાઇસન્સ મેળવવાની સુવિધાનો અભ્યાસ કરશે.

ગુજરાત સરકારના ટ્રાન્સપોર્ટ વિભાગે એક સમિતિની રચના કરી છે. ખાસ કરીને ITI અને પોલિટેકનિકમાં આપવામાં આવતા લાઇસન્સ રોકવા માટે એક સમિતિની રચના કરવામાં આવી છે. રાજ્યમાં અરજદારો ઘરે બેઠા લાઇસન્સ મેળવી શકે છે કે કેમ તેનો અભ્યાસ કરવા માટે આ નિર્ણય લેવામાં આવ્યો છે. તો હવે તમે તમારું લર્નિંગ લાઇસન્સ મેળવવા માટે ઓફિસોમાં દોડાદોડ કરવાની ઝંઝટમાંથી મુક્ત થશો.

રાજ્ય સરકારે 8 અલગ અલગ RTO અધિકારીઓની એક સમિતિની રચના કરી છે. મહત્વનું છે કે, હાલમાં ઘરે બેઠા લાઇસન્સ મેળવવા માટે પરીક્ષણ ચાલી રહ્યું છે. આ સંદર્ભે ટૂંક સમયમાં એક સિસ્ટમ શરૂ કરવામાં આવશે, જ્યાં અરજદારો ઘરે બેઠા તેમનું લર્નિંગ લાઇસન્સ મેળવી શકશે.