November 28, 2024
WhatsApp Business: WhatsAppમાં ટૂંક સમયમાં ઘણા નવા ફીચર્સ આવી રહ્યા છે, જેમાં આર્ટિફિશિયલ ઈન્ટેલિજન્સ એટલે કે AI પણ સામેલ છે. Meta એ થોડા દિવસો પહેલા Meta AI ની જાહેરાત કરી છે. સોશિયલ મીડિયા કંપનીએ તેના તમામ પ્લેટફોર્મ ઈન્સ્ટાગ્રામ, ફેસબુક અને વોટ્સએપ(WhatsApp Business) પર આર્ટિફિશિયલ ઈન્ટેલિજન્સ ફીચર ઉમેરવાનું શરૂ કરી દીધું છે. વ્હોટ્સએપે હવે બિઝનેસ યુઝર્સ માટે AI ફીચર્સ ઉમેરવાનું શરૂ કર્યું છે, જેથી બિઝનેસ માલિકો તેમના ગ્રાહકો સાથે સારી રીતે વાતચીત કરી શકે.
આ યુઝર્સને AI ચેટબોટ ફીચર મળશે
સોશિયલ મીડિયા કંપનીએ કહ્યું કે WhatsApp બિઝનેસ માટે AI સંચાલિત ચેટબોટ ઉમેરવામાં આવી રહ્યું છે. આ ફીચર મેટા વેરિફાઈડ યુઝર્સ માટે પહેલા રોલઆઉટ કરવામાં આવશે. કંપનીએ એ પણ કન્ફર્મ કર્યું છે કે આ ફીચર ભારતીય યુઝર્સ માટે પહેલા રોલઆઉટ કરવામાં આવશે. આ સિવાય કંપની બિઝનેસ એકાઉન્ટ્સ માટે કોલ ફંક્શનનું પણ પરીક્ષણ કરી રહી છે.
શું છે મેટા વેરિફાઈડ સર્વિસ?
બ્રાઝિલના સાઓ પાઉલોમાં કંપનીના વાર્ષિક કન્વર્ઝેશન કોન્ફરન્સમાં માર્કે માહિતી આપી કે નવો ફેરફાર ભારતમાં પણ લાવવામાં આવી રહ્યો છે. હવે ભારત સિવાય આ ફીચર બ્રાઝિલ, ઈન્ડોનેશિયા અને કોલંબિયામાં રોલઆઉટ કરવામાં આવી રહ્યું છે. આ ફીચર સાથે યુઝર્સને બ્લુ ટિક ખરીદવાનો વિકલ્પ મળશે અને બદલામાં વેરિફિકેશન સ્ટેટસ આપવામાં આવશે. Meta AI કંપનીના ઇન-હાઉસ Llama-3 AI મોડલ પર કામ કરશે.
Trending News
મેટા વેરિફાઈડ રોલઆઉટ
મેટાની આર્ટિફિશિયલ ઈન્ટેલિજન્સ WhatsApp, Instagram તેમજ WhatsApp Messenger માટે ઘણા બજારોમાં બહાર પાડવામાં આવી છે. મેટા એઆઈ ચેટબોટમાં લાર્જ લેંગ્વેજ મોડલ પર આધારિત સામાન્ય ટેક્સ્ટ-આધારિત ક્ષમતા હશે. આ સિવાય યુઝર્સને ઈમેજ જનરેશન ફીચર પણ મળી રહ્યું છે. કંપની હવે આ ચેટબોટને વોટ્સએપ બિઝનેસ યુઝર્સ માટે પણ રજૂ કરી રહી છે.
ગયા વર્ષે સપ્ટેમ્બરમાં મુંબઈમાં આયોજિત કંપનીની કન્વર્ઝેશન કોન્ફરન્સમાં જણાવ્યું હતું કે મેટા વેરિફાઈડ સેવાને Instagram, Facebook અને WhatsApp સુધી વિસ્તૃત કરવામાં આવશે. આ સેવા સાથે, ક્રિયેટર્સ અથવા યુઝર્સ નિશ્ચિત મેમ્બરશિપ ફી ચૂકવીને વેરિફિકેશન બ્લુ ટિક ખરીદી શકે છે.
કંપનીએ તેની પોસ્ટમાં કહ્યું કે Meta AIને એવી રીતે તાલીમ આપવામાં આવી છે કે તે પ્લેટફોર્મ પર મળતા તમામ પ્રશ્નોના જવાબ આપી શકે. આ ફીચરના કારણે બિઝનેસ યુઝર્સને ગ્રાહકોના પ્રશ્નોના જવાબ આપવામાં સરળતા રહેશે. આ સુવિધા ગ્રાહકોને માત્ર પૂર્વ-લિખિત પ્રતિસાદ જ આપશે નહીં, પરંતુ તેમની જરૂરિયાતો અનુસાર ઉત્પાદનો અને સેવાઓ પણ પ્રદાન કરશે.
ફેસબુક અને ઇન્સ્ટાગ્રામ બાદ હવે વ્હોટ્સએપ બિઝનેસ યુઝર્સને પણ મેટા વેરિફાઈડ બેજ મળવા લાગ્યા છે. આ બેજ મળ્યા બાદ યુઝર્સને બિઝનેસ એકાઉન્ટમાં ગ્રીન ટિક દેખાશે. આ બેજ એ વાતનો પુરાવો હશે કે જે બિઝનેસ ચેનલ અથવા એકાઉન્ટ દ્વારા યુઝર્સ વાતચીત કરી રહ્યા છે તે સાચું અને વેરિફાઈડ છે. આ ફીચરને ભારતમાં તેમજ બ્રાઝિલ, ઈન્ડોનેશિયા અને કોલંબિયામાં રોલઆઉટ કરવામાં આવ્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App