November 24, 2024
ઓડિશા(Odisha)ના કટક શહેરમાં એક વિચિત્ર ઘટનામાં એક યુવકને બે સ્કૂટર સાથે દોરડા વડે બાંધીને બે કિલોમીટર સુધી દોડાવાયો હતો. આ ઘટનાનો એક વિડીયો(Viral video) સોશિયલ મીડિયા(Social media) પર વાયરલ થયો છે. વિડીયોમાં યુવક શહેરના શેલ્ટર ચોકથી મિશન રોડ તરફ સ્કૂટી પાછળ દોડતો જોવા મળે છે. આ પછી કટક પોલીસ(Cuttack Police) એક્શનમાં આવી અને આ મામલામાં બે આરોપીઓને કસ્ટડીમાં લીધા છે. જોકે આ ઘટનાનો ચોક્કસ સમય જાણી શકાયો નથી, પરંતુ પોલીસે જણાવ્યું હતું કે આ ઘટના રવિવારે સાંજે બની હતી.
View this post on Instagram
જાણો શું છે સમગ્ર મામલો:
કટકના ડીસીપી પિનાક મિશ્રાએ જણાવ્યું કે, પોલીસને રવિવારે રાત્રે 11 વાગ્યાની આસપાસ ઘટનાની માહિતી મળી. મિશ્રાએ કહ્યું, “આ ખૂબ જ સંવેદનશીલ મામલો હોવાથી, મેં તરત જ તમામ પોલીસ સ્ટેશન અને એસીપીને તેની તપાસ કરવા કહ્યું છે. આજે અમે 2 આરોપી અને પીડિતની ઓળખ કરી છે. બંને આરોપીઓને કસ્ટડીમાં લેવામાં આવ્યા છે.”
Trending News
પ્રાથમિક તપાસ મુજબ પીડિત વ્યક્તિ આરોપીઓને ઓળખતો હતો અને તેની પાસેથી કેટલાક પૈસા ઉછીના લીધા હતા. વારંવાર કહેવા છતાં પણ તે પૈસા પરત કરી શક્યો ન હતો, જેથી આરોપીઓએ તેને પોતાની સ્કૂટી પર બાંધીને થોડે દૂર સુધી ખેંચી ગયા હતા. જો કે, ડીસીપીએ આરોપીઓનું નામ આપ્યું નથી કારણ કે તેમની ગુનાહિત પૃષ્ઠભૂમિની તપાસ કરવા માટે વધુ તપાસ ચાલી રહી છે.
ઓડિશામાં આ પ્રકારની આ પહેલી ઘટના નથી. અગાઉ જગતસિંહપુર જિલ્લામાં, મોબાઇલ ફોનની ચોરી કરવા બદલ સજા તરીકે જૂતાની માળા પહેરીને ચાલતી ટ્રકની આગળ એક વ્યક્તિને બાંધી દેવામાં આવ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.