February 17, 2025
ગુજરાત(Gujarat): વિધાનસભાની ચૂંટણી નજીક આવતા તમામ રાજકીય પક્ષો કમર કસી રહ્યા છે. ખાસ કરીને દરેક પક્ષ સત્તામાં આવવા માટે સંઘર્ષ કરી રહ્યો છે. બુધવારે દિલ્હીમાં જી-23 નામના અસંતુષ્ટ કોંગ્રેસી નેતાઓની બેઠક યોજાઈ હતી. તેમની મુલાકાત બાદ પૂર્વ મુખ્યમંત્રી શંકરસિંહ વાઘેલા(Shankarsinh Vaghela)એ જણાવ્યું હતું કે, ગુજરાત ભાજપ(BJP) અને કોંગ્રેસ(Congress)માં નેતૃત્વની કટોકટી છે. કોંગ્રેસને ખબર નથી કે શું કરવું.
જો અલગ-અલગ પક્ષો સાથે મળીને લડે તો માત્ર બે મહિનામાં જ ભાજપને સત્તા પરથી દૂર કરી શકાય છે. બે મહિના પછી પણ વિધાનસભાની ચૂંટણી આવે તો ભાજપે ગુજરાતની ગાદી છોડવી પડી શકે તેવી સ્થિતિ છે. જોકે, વાઘેલાએ આડકતરી રીતે ચૂંટણી ટૂંક સમયમાં યોજાશે તેવા સંકેત આપ્યા છે. પરંતુ પૂર્વ મંત્રીએ કંઈપણ કહેવાનો સ્પષ્ટ ઈન્કાર કરી દીધો છે. જો કે આ પરથી કહી શકાય કે વાઘેલા આગામી દિવસોમાં ફરી સક્રિય થઈ શકે છે.
Trending News
શંકરસિંહે કહ્યું કે, ગુજરાતમાં દરેક પક્ષ અને સંગઠન પોતપોતાની રીતે લડવાની જરૂર છે. હું કોંગ્રેસમાં હોઉં કે ન હોઉં તેનાથી કોઈ ફરક પડતો નથી. પરંતુ હું ભાજપ વિરોધી જૂથમાં હોવો જોઈએ. સમસ્યા એ છે કે મની અને મસલ પાવર બંને ભાજપ છે. તેઓ તેમના કાર્યકરોને આમ તેમ દોડાવ્યા રાખે છે. પણ કોઈને શાંતિથી બેસવા દેતા નથી. કોંગ્રેસમાં કોઈને ખબર નથી કે શું કરવું. જો બે મહિના સતત અને યોગ્ય પ્રયાસો કરવામાં આવે તો ભાજપ ગુજરાતમાંથી બહાર થઈ જશે. જ્યાં સુધી અહેમદ પટેલ હતા ત્યાં સુધી કોંગ્રેસ સરળતાથી ચાલી રહી હતી. પછી કોંગ્રેસ આડેધડ ચાલવા લાગી.
પ્રિયંકા ગાંધીને ઉત્તર પ્રદેશની ચૂંટણીની જવાબદારી સોંપવામાં આવી હતી. જે મિસફાયર સાબિત થયા હતા. ગાંધી પરિવારના એક નેતા તેમાં નિષ્ફળ રહ્યા. પંજાબમાં રાહુલ ગાંધીએ ચાલુ રેસ દરમિયાન ઘોડા બદલી નાખ્યા. જેને કારણે પંજાબમાં પણ કોંગ્રેસને પરિણામ મળ્યું ન હતું. તેમણે એ પણ સ્પષ્ટ કર્યું કે મને સોનિયા ગાંધી, રાહુલ ગાંધી સહિત ગાંધી પરિવાર માટે સન્માન છે, હું કોંગ્રેસ વિરોધી નથી. જો કે કોંગ્રેસના કેટલાક ધારાસભ્યોની નજર ભાજપ પર છે. પરંતુ ચૂંટણી પહેલા કોંગ્રેસ ફરીથી તેમણે સાચવી લેવા માટેનો પ્રયાસ કરે તેવી પુરી શક્યતા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.