May 12, 2024
દિલ્હીમાં એક ડ્રાઈવરે તેના માલિકના 18 લાખ રૂપિયા ઉડાવી દીધા. આખી રોકડ ઢોલકમાં છુપાવીને ડ્રાઈવર પોતાના ઘરે લઈ ગયો. આ કેસની ફરિયાદ મળ્યા બાદ પોલીસે આરોપીના ઘરે દરોડા પાડ્યા હતા. પોલીસને આરોપી ડ્રાઈવરના ઘરેથી એક ઢોલ મળ્યો હતો, જે ઢોલને તોડ્યો ત્યારે ઢોલ માંથી લાખોની રોકડ બહાર આવી હતી. પોલીસે રોકડ જપ્ત કરી આરોપીને કસ્ટડીમાં લીધો હતો. પોલીસ તેને પોતાની સાથે લઈ ગઈ છે.
મળતી માહિતી મુજબ, પોલીસ સ્ટેશન બિલસંદા વિસ્તારના પવન કુમાર શર્મા દિલ્હીના વેપારી બીકે સભરવાલનો ડ્રાઈવર હતો. 2 નવેમ્બર 2022ની સાંજે ડ્રાઈવર પવન સભરવાલને દિલ્હીના કનોટ પ્લેસ ખાતે મીટિંગમાં લઈ ગયો હતો. તે દરમિયાન કારમાં 20 લાખ રૂપિયા રોકડા રાખવામાં આવ્યા હતા. આ દરમિયાન ડ્રાઈવર પવને સભરવાલને નીચે ઉતર્યા અને કાર પાર્ક કરવાના બહાને 20 લાખ રૂપિયા અને કારની ચાવી લઈને ભાગી ગયો.
View this post on Instagram
Trending News
આ મામલે વેપારીએ દિલ્હી પોલીસને ફરિયાદ કરી હતી
આ પછી બિઝનેસમેન બીકે સભરવાલે આ મામલે પોલીસને ફરિયાદ કરી હતી. દિલ્હી પોલીસે આ મામલે પીલીભીત પોલીસનો સંપર્ક કર્યો હતો. આ પછી દિલ્હી પોલીસે પીલીભીતના બિલસંદા પોલીસ સ્ટેશનની પોલીસ સાથે મળીને આરોપી પવન શર્માના ઘરે દરોડો પાડ્યો હતો. જ્યારે પોલીસે તેને પકડીને પૈસા અંગે પૂછપરછ કરી તો તે લાંબા સમય સુધી પોલીસને વાતોમાં ફસાવતો રહ્યો.
પોલીસની કડક પૂછપરછ બાદ ખુલી પોલ…
જ્યારે પોલીસે પવનની કડક પૂછપરછ કરી તો તેણે જણાવ્યું કે પૈસા ઢોલકમાં મુક્યા છે. આ પછી પોલીસે ઢોલક તોડીને પૈસા કબજે કર્યા હતા. આ સિવાય બાકીના બે લાખ રૂપિયા વિશે તેણે જણાવ્યું કે તે પૈસા તેણે ખર્ચી નાખ્યા છે. આરોપીને દિલ્હી પોલીસ પકડીને લઈ ગઈ હતી.
પોલીસ અધિક્ષકે જણાવ્યું કે, પીલીભીતનો રહેવાસી પવન દિલ્હીમાં એક બિઝનેસમેનની કાર ચલાવતો હતો. મોકો જોઈ પવને તેના માલિક પાસેથી લાખો રૂપિયાની ચોરી કરી અને આ રકમ ઢોલકમાં સંતાડી દીધી. તપાસ બાદ આરોપીની ધરપકડ કરવામાં આવી છે. ઢોલ મળી આવ્યો છે અને પૈસા કબજે કરી લેવામાં આવ્યા છે. આરોપીઓ સામે કાર્યવાહી કરવામાં આવી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
