November 06, 2024
સમગ્ર વિશ્વમાં કોરોના(Corona)ના નવા અને અત્યંત ખતરનાક ઓમિક્રોન(Omicron) વેરિઅન્ટએ હાહાકાર મચાવ્યો છે. ત્યારે બ્રિટનમાં ઓમિક્રોનનો ખતરો મંડરાઈ રહ્યો છે. જણાવી દઈએ કે, ઓમિક્રોનથી યુકેમાં પ્રથમ મૃત્યુ(first death in UK from Omicron) થયું છે. આ વ્યક્તિ કોરોના વાયરસના ઓમિક્રોન વેરિઅન્ટથી પીડિત હતો. બ્રિટનના પીએમ બોરિસ જોન્સ(Boris Johnson)ને ઓમિક્રોનથી પીડિત દર્દીના મૃત્યુની પુષ્ટિ કરી છે અને કહ્યું છે કે ઓમિક્રોનથી પીડિત દર્દીનું મૃત્યુ થયું છે. દર્દીમાં ઓમિક્રોન વેરિઅન્ટની પુષ્ટિ થઈ હતી. યુકે પર ઓમિક્રોનનો મોટો ખતરો મંડરાઈ રહ્યો છે.
શનિવારે બ્રિટનમાં 54,073 નવા કેસની જાહેરાત કરવામાં આવી હતી, જેમાં ઓમિક્રોનના 633નો સમાવેશ થાય છે. જો કે, ઓમિક્રોન કેસની વાસ્તવિક સંખ્યા ઘણી વધારે હોવાનો અંદાજ છે. સંશોધકોમાંથી એક નિક ડેવિસે કહ્યું કે, ઓમિક્રોન ખૂબ જ ઝડપથી ફેલાઈ રહ્યો છે, જે ખૂબ જ ચિંતાજનક છે. વૈજ્ઞાનિકોના રિપોર્ટમાં કહેવામાં આવ્યું છે કે, હાલમાં બ્રિટનમાં સંક્રમિત લોકોની સંખ્યા દર 2 થી 4 દિવસમાં બમણી થઈ રહી છે.
બ્રિટિશ વૈજ્ઞાનિકોએ કોરોના વાયરસના નવા પ્રકાર વિશે મોટી ચેતવણી આપી છે કે એપ્રિલના અંત સુધીમાં દેશમાં ઓમિક્રોનને કારણે મૃત્યુની સંખ્યા 25,000 થી 75,000 સુધીની હોઈ શકે છે. એક અહેવાલ મુજબ, યુકેના નિષ્ણાતોનું કહેવું છે કે કોવિડના ઓમિક્રોન સ્વભાવ વિશે હજુ પણ અનિશ્ચિતતા છે. જાહેર કરાયેલા અહેવાલ મુજબ, LSHTM અભ્યાસ એ ધારણા પર આધારિત છે કે જો કોઈને રસી આપવામાં આવે તો ઓમિક્રોનની અસર ન્યૂનતમ છે અને હાલના પ્લાન B પગલાંને પણ ધ્યાનમાં લેવામાં આવ્યા છે.
Trending News
સંશોધકોએ કહ્યું કે કોરોના વેક્સીનનો વધુ ડોઝ લેવાથી ઓમિક્રોનની અસર ઓછી થવાની સંભાવના છે. જણાવી દઈએ કે આ વર્ષે નવેમ્બરના છેલ્લા સપ્તાહમાં કોવિડ ઓમિક્રોનના નવા પ્રકારની ઓળખ કરવામાં આવી હતી અને આ વેરિઅન્ટે સમગ્ર વિશ્વમાં અનિશ્ચિતતા અને ભય પેદા કર્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.