ફરી એક વખત કાયદાના રક્ષકો જ બન્યા ભક્ષક, ફટાકડા ફોડી જન્મદિવસની મહેફિલ માણતા પોલીસકર્મીઓનો વિડીઓ વાયરલ

જોવા જઈએ તો 26 તારીખના રોજ સુરતના સિંગણપુર વિસ્તારમાં એક પોલીસકર્મીને વિદાય સમારંભ નો વિડીયો વાયરલ થયો હતો. આ વિદાય સમારંભ નો વિડીયો સોશિયલ મીડિયામાં ખૂબ જ વાયરલ થયો હતો. આ વીડિયોમાં સિંગણપુર ના પી.આઈ એસપી સલૈયા પોતાનો વિદાય સમારંભ હોવાથી રાત્રી કર્ફ્યુ માં પણ આ વિદાય સમારંભ યોજી રહ્યા હતા. વીડિયોમાં સ્પષ્ટ જોઈ શકો છો કે ઘણા લોકો આ વિદાય સમારંભમાં હાજર છે. તો સવાલ એ ઉઠે છે કે શું કાયદાના રક્ષકો જ કાયદાનું ઉલ્લંઘન કરશે? આ સમગ્ર ઘટનાને જોતા સુરતના પોલીસ કમિશનરે સિંગણપુર ના પી.આઈ એસ.પી સલૈયાને સસ્પેન્ડ કરી દેવામાં આવ્યા છે.

ત્યારે આ સમગ્ર મામલા વચ્ચે એક પોલીસકર્મીની મહેફિલ નો વાયરલ વીડિયો સામે આવી રહ્યો છે. આ વિડીયો માં પૂર્વ કચ્છના અમુક પોલીસકર્મીઓ બર્થ ડે પાર્ટી ઊજવી રહ્યા છે. આ વિડીયો વાયરલ થતાની સાથે જ પૂર્વ કચ્છ ના એસપી એ તાત્કાલિક અસરથી આ ચાર કોન્સ્ટેબલની બદલી કરી નાખવામાં આવી છે. સાથે આ વાયરલ થઇ રહેલા વિડિયો ના મામલે ખાતાકીય તપાસના આદેશ આપી દેવામાં આવ્યા છે.

 

View this post on Instagram

 

A post shared by Trishul News (@trishulnews)

ઉલ્લેખનીય એ છે કે કોરોના ની આ મહામારી વચ્ચે પોલીસ કર્મીઓ LCB ના એક કોન્સ્ટેબલની બર્થડે પાર્ટી ઊજવી રહ્યા છે. આ બર્થ ડે પાર્ટીમાં નથી કોઈએ માસ્ક પહેર્યા એ નથી સામાજિક અંતર જળવાયેલું. જ્યારે એક પ્રશ્ન ઉભો થાય છે કે શું કાયદાના રક્ષકો જ જો કાયદાનું ઉલ્લંઘન કરશે તે કેટલું યોગ્ય?