April 25, 2025
Srinagar Car Accident: ઉત્તરાખંડમાં માર્ગ અકસ્માતો અટકવાના કોઈ સંકેત દેખાઈ રહ્યા નથી. દરરોજ માર્ગ અકસ્માતમાં લોકો જીવ ગુમાવી રહ્યા છે. ત્યારે શુક્રવારે પૌરી જિલ્લા (Srinagar Car Accident) હેઠળના પૈઠણી-ચૌરીખાલ મોટર રોડ પર એક દુ:ખદ માર્ગ અકસ્માત થયો. આ અકસ્માતમાં એક વ્યક્તિનું મોત થયું હતું અને આઠ લોકો ઘાયલ થયા હતા. જે બાદ માહિતી મળતાં જ પોલીસ ઘટનાસ્થળે પહોંચી ગઈ અને મૃતદેહને પોતાના કબજામાં લઈ પોસ્ટમોર્ટમ માટે મોકલી આપ્યો હતો જે બાદ આગળની તપાસ હાથ ધરી હતી.
એકનું મોત આઠ લોકો થયા ઘાયલ
પૌરી જિલ્લામાં પૈઠણી ચૌરીખાલ મોટર રોડ પર એક કાર નિયંત્રણ ગુમાવી અને 50 મીટર ઊંડી ખાડામાં પડી ગઈ. આ અકસ્માતમાં, કાર ચાલક ધર્મેન્દ્ર ચૌધરી (45 વર્ષ), જે ઉત્તર પ્રદેશના બિજનૌરના રહેવાસી હતા, તેમનું ઘટનાસ્થળે જ મૃત્યુ થયું. ધર્મેન્દ્ર વ્યવસાયે ડ્રાઇવર હતા, જ્યારે આ ઘટનામાં આઠ લોકો ગંભીર રીતે ઘાયલ થયા હતા. અકસ્માત બાદ સ્થાનિક ગ્રામજનો અને રાહદારીઓએ તાત્કાલિક રાહત અને બચાવ કામગીરી શરૂ કરી દીધી હતી.
મૃતદેહને પીએમ અર્થે મોકલી તપાસ હાથ ધરી
માહિતી મળતાં જ પોલીસ અને વહીવટીતંત્રની ટીમ પણ ઘટનાસ્થળે પહોંચી ગઈ અને ઘાયલોને ખાડામાંથી બહાર કાઢીને તાત્કાલિક નજીકની હોસ્પિટલમાં દાખલ કરવામાં આવ્યા. ઘાયલોમાંથી કેટલાકની હાલત ગંભીર હોવાનું કહેવાય છે, જેમને વધુ સારી સારવાર માટે જિલ્લા હોસ્પિટલમાં રિફર કરવામાં આવ્યા છે.
પોલીસે મૃતકના મૃતદેહને પોતાના કબજામાં લઈ પોસ્ટમોર્ટમ માટે મોકલી આપ્યો છે અને પરિવારને ઘટનાની જાણ કરી છે. ઘટના બાદ મૃતકના પરિવારમાં શોકનો માહોલ છે. અકસ્માત એટલો ગંભીર હતો કે કાર સંપૂર્ણપણે ક્ષતિગ્રસ્ત થઈ ગઈ હતી. આ અકસ્માત સવારે 11.40 વાગ્યે થયો હતો. વાહનમાં બાળકો સહિત 9 લોકો હતા.
Trending News
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App