November 15, 2024
પાકિસ્તાનના ઇસ્લામાબાદમાં પ્રથમ હિન્દુ મંદિર બનાવવા માટે વિરોધ પ્રદર્શન ચાલી રહ્યા છે. અનેક મુસ્લિમ સંગઠનો તેની વિરુદ્ધ છે. પાકિસ્તાનમાં હિન્દુઓની દુર્દશા અને તેમનું ધાર્મિક સ્થળ કોઈથી છુપાયેલું નથી. તેમાંથી એક સોળમી સદીનું ઇસ્લામાબાદના હિમાલયની તળેટીમાં દફનાવવામાં આવેલું રામ મંદિર છે. એવું માનવામાં આવે છે કે તેમના 14 વર્ષના વનવાસ દરમિયાન ભગવાન રામ સીતા અને લક્ષ્મણ સાથે અહીં રહેતા હતા, ત્યારબાદ તેને મંદિરનો આકાર આપવામાં આવ્યો હતો.
સદીઓથી, હિન્દુઓ આ રામ મંદિરમાં પૂજા કરવા માટે દૂર-દૂરથી આવે છે. આ ધર્મશાળામાં આ ભક્તો શાંતિથી રહેતાં હતાં, જેને આજે સૈદપુર ગામ કહે છે. સત્તાવાર રેકોર્ડ અનુસાર, 1893 સુધી અહીં એક તળાવ નજીક દર વર્ષે મેળો ભરાય છે. એવું માનવામાં આવે છે કે ભગવાન રામ એકવાર આ તળાવમાંથી પાણી પીતા હતા. જો કે હવે આ તળાવ દુર્ગંધ મારતું નાળું બની ગયું છે.
1947 થી, આ મંદિર અને તે સંકુલમાં હિન્દુઓની પૂજા કરવા પર પ્રતિબંધ હતો. આ મંદિર પ્રવાસીઓ માટે ખુલ્લું રાખવામાં આવ્યું છે પરંતુ આ મંદિરમાંથી બધી મૂર્તિઓ કાઢી નાખી છે. હવે આ તીર્થસ્થાનમાં પ્રવાસીઓ માટે રેસ્ટોરાં અને હસ્તકલાની દુકાનો ખોલવામાં આવી છે.
Trending News
હિન્દુ કાર્યકર સવાઈ લાલએ અહીં આરબ ન્યૂઝને કહ્યું, ‘સરકારે આ સ્થળને ધરોહર તરીકે સાચવ્યું છે, પરંતુ આ સંકુલમાં રેસ્ટોરાં અને દુકાનો ચલાવવાની મંજૂરી આપીને સરકાર આ જગ્યાના પવિત્રતાનું ઉલ્લંઘન કરી રહી છે.’
મંદિર સંકુલની સંભાળ લેનારા મહંમદ અનવરએ કહ્યું કે આ વિસ્તાર હવે ‘હેરિટેજ સાઇટ’ બની ગયો છે અને હિન્દુઓને અહીં પૂજા કરવાની છૂટ નથી. અનવરે કહ્યું, ‘કેટલીક વખત લોકો અહીં પૂજા કરવાની માંગ કરે છે, પરંતુ અમારે તેમને રોકવા પડે છે.’
પાકિસ્તાનની મોટાભાગની લઘુમતીઓને લાગે છે કે સરકાર તેમની સુરક્ષા કરવામાં નિષ્ફળ ગઈ છે અને કેટલીકવાર તેમને અહીં હિંસાનો સામનો કરવો પડે છે. ઇસ્લામાબાદમાં નવા મંદિરના બાંધકામના વિરોધને કારણે અહીંના હિન્દુઓ ફરી એકવાર ચર્ચામાં છે.
અહીં લઘુમતીઓની સંખ્યા ઘણી ઓછી છે. સવાઈ લાલએ કહ્યું, ‘કેટલાક કટ્ટરપંથીઓએ ઇસ્લામાબાદમાં અમારા મંદિર સ્થળની તોડફોડ કરવાની કોશિશ કરી છે, જેના પછી આપણે ભય અનુભવીએ છીએ.’ તેમણે કહ્યું કે હાલમાં ઇસ્લામાબાદના 3,000 હિન્દુઓ માટે અહીં કોઈ મંદિર નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news