November 24, 2024
જયપુર (Jaipur) માં, એક પુજારીએ આજે સવારે 5 વાગ્યે પોતાને આગ લગાવી દીધી હતી. પુજારીએ વિકાસ સમિતિના ભૂતપૂર્વ અધ્યક્ષ મૂલચંદ માનના ઘરની સામે પોતાને આગ લગાવી દીધી. આગમાં લગભગ 60 ટકા શરીર સળગી ગયું હતું. ગિરરાજ શર્મા, જેમણે આગ લગાવી હતી, તે લક્ષ્મી નારાયણ મંદિરના પુજારી છે.
આગ વિશેની માહિતી મળતા જ મંદિરમાં રહેતો પૂજારીનો પરિવાર ઘટના સ્થળ પર પહોંચ્યો અને પુજારીને બચાવવાના પ્રયાસો કર્યો. હાલમાં, પંડિત ગિરજ શર્મા એસએમએસ હોસ્પિટલમાં સારવાર લઈ રહ્યા છે. પોલીસ અધિકારીઓએ નજીકમાં લગાવેલા સીસીટીવી કેમેરાનો કબજો લઈ આગળની તપાસ હાથ ધરી છે.
View this post on Instagram
Trending News
સમિતિ મંદિર છોડવા માટે દબાણ કરી રહી હતી
હોસ્પિટલમાં દાખલ પંડિત ગિરાજ શર્માએ જણાવ્યું કે, પાંચ-છ લોકો તેમને ઘણા સમયથી હેરાન કરી રહ્યા હતા. આમાં શંકર જોષી સહિત કેટલાક લોકો હતા. આ લોકો ઈચ્છતા હતા કે પંડિત પરિવાર સાથે નીકળી જાય.
સ્થાનિક લોકોએ જણાવ્યું કે આ મંદિરની સ્થાપના વર્ષ 2002માં વિકાસ સમિતિ દ્વારા કરવામાં આવી હતી. પુજારી ઘણા વર્ષોથી તેમના પરિવાર સાથે મંદિરમાં રહેતા હતા. કેટલાક સમયથી મંદિર ટ્રસ્ટ અને તેની વચ્ચે વિવાદ ચાલી રહ્યો હતો. પંડિત ગિરરાજ શર્મા આનાથી ખૂબ નારાજ હતા. આજે સવારે પરિવાર સૂતો હતો. આ દરમિયાન પંડિત ગિરરાજ શર્મા એક બોટલમાં જ્વલનશીલ પદાર્થ લઈને મૂળચંદ માનના ઘરની બહાર ગયા, અને ત્યાં તેણે પોતાની જાતને આગ લગાવી દીધી.
ગીરરાજ શર્માની પત્ની ચંદ્રકાંતા શર્માએ કહ્યું- ‘પંડિતજીએ સવારે કહ્યું હતું કે તેઓ ગામ જઈ રહ્યા છે, પરંતુ તેઓ ફરી મંદિર આવ્યા અને પછી ચાલ્યા ગયા. લોકો મને બે મહિનાથી હેરાન કરી રહ્યા હતા. મંદિરમાં પૂજા કરતી વખતે પણ આ લોકો હેરાન કરતા હતા. માનસાહેબ, શંકર જોષી, અશોક ઝાલાની, શંકર સ્વામી, દિનેશ ધારીવાલ પંડિતજીને હેરાન કરતા હતા. ગત સાંજે પણ આ લોકોએ પુજારીને હેરાન કર્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.