April 15, 2025
Patan Lake News: પાટણમાંથી ખુબ જ દુઃખદ સમાચાર સામે આવ્યા છે. જેમાં ગરમીના કાળા કહેર વચ્ચે સરસ્વતી મોરપા ગામે તળાવમાં નહાવા (Patan Lake News) પડેલા બે બાળકોના મોત નિપજ્યા છે. સૌથી ચોંકાવનારી વાત તો એ છે કે બંને બાળકો સગા ભાઈ બહેન હોવાનું સામે આવ્યું છે. ત્યારે હાલ, બાળકોના મોતથી પરિવારજનો શોકમાં ગરકાવ થયા છે.
તળાવમાં નાહવા પડેલા ભાઈ બહેનના મોત
હાલમાં ગરમી તેમજ લૂનું પ્રમાણ ખુબ જ વધી ગયું છે. આથી લોકો આ ગરમીથી છુટકારો મેળવવા માટે ગામના આસપાસ આવેલ નદી તેમજ તળાવમાં નહાવા જતા હોય છે. ત્યારે ગરમીમાં આ નહાવાની મજા એ ભાઈ બહેન તેમજ એક પરિવાર માટે આખી જિંદગીની સજા સમાન બની ગઈ છે.
પાટણના સરસ્વતી મોરપા ગામે ચારથી પાંચ બાળકો ગરમીથી રાહત મેળવવા માટે તળાવમાં નહાવા ગયા હતાં. આ દરમિયાન 9 વર્ષનો ભાઈ અને 14 વર્ષની બહેનનું તળાવમાં ડૂબી જવાથી મોત નિપજ્યા છે. જે દરમિયાન બે બાળકો તળાવમાં ડૂબી રહ્યા હતાં, ત્યારે તેમને ડૂબતા જોઈ સાથે નહાવા પડેલા અન્ય બાળકોએ તેમને બચાવવાનો પ્રયાસ કર્યો અને બૂમાબૂમ કરી હતી.
બાદમાં ગામના લોકો ભેગા થઈ ગયા અને બાળકોને તળાવમાંથી બહાર કાઢી તાત્કાલિક ધોરણે સારવાર અર્થે હોસ્પિટલ ખસેડવામાં આવ્યા. જોકે, સારવાર દરમિયાન બંને બાળકોના મોત નિપજ્યા હતાં.
Trending News
પરિવાર શોકમાં ગરકાવ
આ ઘણા અંગે પરિવારને જાણ થતા જ પરિવાર એક સાથે પરિવારના બે બાળકોને ગુમાવવાના દુઃખમાં ગરકાવ છે. તેમજ તેના પરિવારમાં ભારે આક્રન્દ જોવા મળી રહ્યો છે. પરંતુ આ ઘટના પરથી આવી રીતે કોઈપણ ઊંડાણવળી જગ્યાએ નહાવા માટે ન જવું જોઈએ અને સબક મેળવવો હવે જરૂરી બન્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App