સુરતમાં રાહુલરાજ મોલમાં ચાલતા સ્પા પર પીસીબીની રેડ: વિદેશી યુવતીઓ જડપાઈ

ડુમસ રોડના રાહુલરાજ મોલમાં ચાલતા સ્પામાં વર્ક પરમિટ વિના કામ કરતી થાઇલેન્ડની 27 યુવતીઓને પીસીબીએ પકડી છે. શહેરનાં સ્પામાં વર્કપરમિટ વગર વિદેશી યુવતીઓ પકડાઇ હોય તેવી પ્રથમ ઘટના છે. પોલીસ કમિશનર આર.બી.બ્રહ્રભટ્ટના માર્ગદર્શન હેઠળ પીસીબીના પીઆઈ એસ.જે.ભાટીયાએ સ્ટાફ સાથે મંગળવારે રાત્રે રાહુલરાજ મોલના 13 સ્પામાં રેડ પાડી હતી. કેટલાક સ્પા બંધ હતા.

7 સ્પામાંથી વર્ક પરમિટ વગર કામ કરતી 27 થાઇલેન્ડની યુવતીઓ ઝડપાઈ હતી. પીસીબીએ સ્પાના મેનેજરોની ધરપકડ કરી છે, માલિકોને ભાગેડુ જાહેર કર્યા છે. વધુમાં પીસીબીના સ્ટાફે જણાવ્યું કે વિદેશી યુવતીઓ વર્કમપરમિટ વગર રહેતી હોવાથી તેને પરત મોકલવામાં આવશે અને આ બાબતે વિદેશ મંત્રાલયને પણ જાણ કરાશે. હાલમાં વિદેશી યુવતીઓને સાક્ષી બનાવી છે. વિદેશ પરત મોકલવા પહેલા તેનું કોર્ટમાં નિવેદન પણ લેવડાવવામાં આવશે.