આવતી કાલથી ધોરણ 12 સાયન્સની માર્કશીટ અને અન્ય કાગળો- પણ ધ્યાનમાં રાખવી પડશે આ વાત

રાજ્યમાં લેવાયેલી ધોરણ 12 સાયન્સની પરીક્ષાના પરિણામ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા જાહેર કરી દેવામાં આવ્યા છે. હવે આવતીકાલથી આ પરિણામોની માર્કશીટને ડિસ્ટ્રીબ્યુટ કરવાની કવાયત બોર્ડ દ્વારા હાથ ધરવામાં આવી છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ગુરૂવારથી ધોરણ 12 સાયન્સની માર્કશીટ સહિત તમામ પ્રમાણપત્રોનું વિતરણ કરાશે. વિદ્યાર્થીઓ પોતાની શાળામાંથી માર્કશીટ, ટ્રાયલ સર્ટિફિકેટ અને શાળા છોડયાનું પ્રમાણપત્ર એટલે કે એલસી મેળવી શકશે.

આવતીકાલે તમામ ચીજોનું વિતરણ કરવા શિક્ષણ વિભાગના દિશાનિર્દેશો મુજબ શાળાઓએ તૈયારીઓ કરી. સોશિયલ ડિસ્ટનસિંગનું પાલન થાય, વિદ્યાર્થીઓ ફરજીયાત માસ્ક પહેરે અને શાળા પર સેનેટાઇઝરની વ્યવસ્થા કરવા તમામ શાળાઓને શિક્ષણ વિભાગે આપી છે કડક સૂચના . માર્કશીટ આપવા માટે 10 – 10 ના ગ્રુપમાં વિદ્યાર્થીઓને બોલાવવા માટે સ્કૂલોને આદેશ આપવામાં આવ્યો છે.