November 24, 2024
સુરત(Surat): શહેરમાં અવારનવાર શરમજનક ચોરી(Theft)ની ઘટનાઓ સામે આવતી રહે છે. સરથાણા(Sarthana) વિસ્તારમાં એક ચોરીની ચોંકાવનારી ઘટના સામે આવી છે. ચોરીની સમગ્ર ઘટના સીસીટીવી કેમેરામાં કેદ થઇ ગઈ છે. હાલમાં આ ચોરીનો વિડીયો(Theft video surat) વાયરલ થઇ રહ્યો છે.
મળતી માહિતી અનુસાર, સરથાણાની મેરી ગોલ્ડ ક્રિસતા બિલ્ડીંગના પાર્કિંગમાંથી ગટરના ઢાંકણા ચોરાઈ જવાની ઘટના સામે આવી છે. એટલે કે હવે ગટરના ઢાંકણાઓ પણ સુરક્ષિત નથી રહ્યા. વિડીયોમાં સ્પષ્ટ પણે દેખાઈ રહ્યું છે કે, બે મોપેડ સવાર આવે છે અને જમીન પરથી પથ્થર ઊંચકવામાં આવે તેવી રીતે ગટરનું ઢાંકણ કાઢીને ત્યાંથી ચાલતી પકડે છે.
Trending News
આ વિડીયો જોઇને લોકોનું કહેવું છે કે, આ તો કેવા ચોર છે કે, ગટરનું ઢાંકણ પણ નથી રેવા દેતા. આ ચોરી રાત્રીના સમયે નહિ પરંતુ શનિવારના રોજ ભરબપોરની ઘટના છે. હાલમાં તો આ ચોરીની શરમજનક ઘટના વચ્ચે સોસાયટીવાસીઓએ પોલીસ ફરિયાદ દાખલ કરી છે. પોલીસ દ્વારા સીસીટીવીના આધારે આગળની તપાસ હાથ ધરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.