October 10, 2024
દેશમાં ચીની ચીજોનો બહિષ્કાર અને ચીન વિરોધી વાતાવરણ વચ્ચે સમાચાર છે કે, પીપલ્સ બેંક ઓફ ચાઇનાએ ICICI માં હિસ્સો ખરીદ્યો છે. જોકે, નિષ્ણાતો કહે છે કે, આનાથી રાષ્ટ્રીય હિત માટે કોઈ ખતરો નથી. ગયા વર્ષે માર્ચમાં ચીનની સેન્ટ્રલ બેંકે એચડીએફસીમાં તેના રોકાણમાં 1 ટકાનો વધારો કર્યો હતો. ત્યારબાદ તેના પર ઘણો હંગામો પણ થયો હતો. પીપલ્સ બેંક ઓફ ચાઇના એ 357 સંસ્થાકીય રોકાણકારોમાં શામેલ છે જેમાં મ્યુચ્યુઅલ ફંડ્સ, વીમા કંપનીઓ એ તાજેતરમાં ICICI બેંકની ક્વોલિફાઇડ ઇન્સ્ટિટ્યુશનલ પ્લેસમેન્ટ (QIP) ઓફરમાં 15,000 કરોડ રૂપિયાનું રોકાણ કર્યું છે. ICICI બેંકે મૂડી ઉભી કરવા માટે સંસ્થાકીય રોકાણકારો પાસેથી નાણાં એકત્રિત કરવાનો પ્રયાસ કર્યો અને તેનો લક્ષ્યાંક ગત સપ્તાહે જ મળ્યો હતો.
ચીની બેંકનું કેટલું રોકાણ
ચીનની સેન્ટ્રલ બેંકે ICICI માં 15 કરોડ રૂપિયાનું રોકાણ કર્યું છે અને આ રોકાણ લાયક સંસ્થાકીય પ્લેસમેન્ટ દ્વારા કરવામાં આવ્યું છે. અન્ય વિદેશી રોકાણકારોમાં સિંગાપોર સરકાર, મોર્ગન ઇન્વેસ્ટમેન્ટ, સોસાયટી જનરેલ વગેરેનો સમાવેશ થાય છે. નિષ્ણાતો કહે છે કે, બેન્કિંગ એ ભારતમાં ખૂબ જ નિયંત્રિત વ્યવસાય છે, જે રિઝર્વ બેંકની કડક દેખરેખ હેઠળ છે, તેથી તે રાષ્ટ્રીય હિત માટે કોઈ ખતરો ઉભો કરી શકે નહીં. આ પહેલા ગત વર્ષે ચીનની આ સેન્ટ્રલ બેંકની હાઉસિંગ લોન કંપની એચડીએફસી લિમિટેડના રોકાણને લઈને ઘણાં હંગામો થયા હતા.
Trending News
ચીનની સેન્ટ્રલ બેંક હવે અમેરિકાને બદલે ભારત જેવા અન્ય દેશોમાં રોકાણ વધારી રહી છે. ગયા વર્ષે માર્ચમાં, ચીનની સેન્ટ્રલ બેંકે એચડીએફસીમાં તેના રોકાણમાં 1 ટકાનો વધારો કર્યો હતો. ત્યારબાદ તેના પર ઘણી હંગામો થયો હતો. આ પછી સરકારે વિદેશી પોર્ટફોલિયોના રોકાણ માટેના નિયમો પણ કડક બનાવ્યા હતા. ખાસ કરીને ચીન અથવા અન્ય પાડોશી દેશો તરફથી આવતા રોકાણ માટે સખત નિયમો બનાવવામાં આવ્યા હતા. જોકે, બાદમાં ચીની બેંકે એચડીએફસીમાં તેના રોકાણમાં 1 ટકાનો ઘટાડો કર્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews