બદલાની આગ: ઝેરી સાપના કરડવાથી ગુસ્સે થયેલી વ્યક્તિએ સાપને જ કરડીને મારી નાખ્યો- સમગ્ર ઘટના જાણીને રૂવાડા ઉભા થઇ જશે

ઓડિશામાં એક વ્યક્તિનો બદલો લેવાનો ચોંકાવનારો કિસ્સો સામે આવ્યો છે. ઓડિશાના જાજપુર જિલ્લાના એક સુદૂર ગામમાં એક 45 વર્ષીય વ્યક્તિએ સાપને ડંખ માર્યા બાદ કથિત રીતે સાપને મારી નાખ્યો હતો. હકીકતમાં, દાનગડી બ્લોક હેઠળની સાલીજંગા પંચાયતના ગાંભરીપટિયા ગામના રહેવાસી કિશોર બદરા બુધવારે રાત્રે પોતાના ખેતરમાંથી પરત ફરી રહ્યા હતા. આ દરમિયાન એક સાપે તેને પગમાં ડંખ માર્યો હતો. બદ્રા સાપને પકડવામાં સફળ રહ્યો અને બદલો લેવાના હેતુથી તેણે સાપને કાપીને મારી નાખ્યો.

બદ્રાએ કહ્યું, “જ્યારે હું રાત્રે ઘરે પાછો ફરતો હતો ત્યારે મારા પગમાં કંઈક મને કરડ્યું હતું. જ્યારે મેં મશાલ પ્રગટાવ્યો ત્યારે તે એક ઝેરી સાપ ક્રેઈટ હતો. બદલો લેવા માટે, મેં સાપને હાથથી પકડ્યો અને કથિત રીતે કાપીને ઘટના સ્થળે જ તેમને મારી નાખ્યો.

આ ઘટના બાદ બદ્રા મૃત સાપ સાથે ગામ પહોંચ્યો અને તેની પત્નીને આખી વાર્તા કહી. ટૂંક જ સમયમાં આ ઘટના ગામમાં ચર્ચાનો વિષય બની ગઈ અને બદ્રાએ તેના મિત્રોને મૃત્યુ પામેલો સાપ પણ બતાવ્યો.

કેટલાક લોકોએ બદ્રાને હોસ્પિટલમાં જવાની સલાહ આપી, પરંતુ તેણે હોસ્પિટલમાં જવાની ના પાડી દીધી અને તેના બદલે સલાહ માટે તે જ રાત્રે પરંપરાગત વૈધ પાસે ગયા. હચમચાવી દે તેવી વાત તો એ છે કે, બદ્રાને સાપ કરડ્યો છતાં પણ કાઈ અસર ન થઇ.