May 17, 2024
પેટ્રોલ-ડીઝલ(Petrol-diesel)ના ભાવમાં સતત વધારો થઈ રહ્યો છે. સરકારી ઓઈલ કંપનીઓ (IOCL) એ પેટ્રોલ-ડીઝલના નવા ભાવ જાહેર કર્યા છે. આજે એટલે કે 29 માર્ચે દિલ્હીમાં પેટ્રોલ-ડીઝલની કિંમત અનુક્રમે 100.21 રૂપિયા પ્રતિ લિટર અને 91.47 રૂપિયા પ્રતિ લિટર છે. દિલ્હીમાં આજે પેટ્રોલની કિંમતમાં 80 પૈસા અને ડીઝલની કિંમતમાં 70 પૈસા પ્રતિ લીટરનો વધારો(Petrol-diesel price hike) થયો છે.
7 દિવસમાં પેટ્રોલ 4.40 રૂપિયા અને ડીઝલ 4.55 રૂપિયા પ્રતિ લીટર મોંઘુ
તમને જણાવી દઈએ કે છેલ્લા 7 દિવસમાં તેલની કિંમતોમાં આ છઠ્ઠો વધારો છે. તેલ કંપનીઓએ 22 માર્ચથી પેટ્રોલ અને ડીઝલના ભાવમાં વધારો કરવાનું ચાલુ રાખ્યું છે. છેલ્લા 7 દિવસમાં પેટ્રોલ 4.40 રૂપિયા અને ડીઝલ 4.55 રૂપિયા પ્રતિ લીટર મોંઘુ થયું છે. પેટ્રોલ અને ડીઝલના વધતા ભાવથી સામાન્ય માણસની પરેશાની વધી છે અને લોકોને મોંઘવારીનો આંચકો લાગ્યો છે. છેલ્લા 8 દિવસમાં પેટ્રોલ અને ડીઝલના ભાવમાં 7 વખત વધારો કરવામાં આવ્યો છે.
દેશના અન્ય શહેરોની શું હાલત છે?
ઈન્ડિયન પેટ્રોલિયમ માર્કેટિંગ કંપની ઈન્ડિયન ઓઈલ કોર્પોરેશન (IOCL)ના તાજેતરના અપડેટ મુજબ મુંબઈમાં પેટ્રોલ અને ડીઝલના ભાવ અનુક્રમે રૂ. 115.04 અને રૂ. 99.25 પ્રતિ લીટર પર પહોંચી ગયા છે. મુંબઈમાં પેટ્રોલ અને ડીઝલના ભાવમાં અનુક્રમે 85 પૈસા અને 75 પૈસા પ્રતિ લિટરનો વધારો કરવામાં આવ્યો છે. ચેન્નાઈમાં પેટ્રોલની કિંમત રૂ. 105.94 અને ડીઝલની કિંમત રૂ. 96 અને કોલકાતામાં પેટ્રોલની કિંમત રૂ. 109.68 અને ડીઝલની કિંમત રૂ. 94.62 છે.
નોઈડામાં પેટ્રોલ 100.28 રૂપિયા અને ડીઝલ 91.82 રૂપિયા પ્રતિ લીટર, લખનઉમાં પેટ્રોલ 100.06 રૂપિયા અને ડીઝલ 91.62 રૂપિયા પ્રતિ લીટર છે. તે જ સમયે, પટનામાં પેટ્રોલ 110.85 રૂપિયા અને ડીઝલ 95.88 રૂપિયા પ્રતિ લીટર થઈ ગયું છે.
Trending News
અહી ઉલ્લેખનીય છે કે, દરરોજ સવારે 6 વાગ્યે પેટ્રોલ અને ડીઝલના ભાવમાં ફેરફાર થાય છે. સવારે 6 વાગ્યે નવી કિંમતો લાગુ થઇ જાય છે. પેટ્રોલ તથા ડીઝલની કિંમતમાં ડીલર કમિશન, એક્સાઈઝ ડ્યૂટી અને અન્ય વસ્તુઓ જોડ્યા બાદ તેમના ભાવ બમણા થઈ જાય છે. આંતરરાષ્ટ્રીય બજારોમાં ક્રુડ ઓઈલનો ભાવ શું છે તેને આધારે પેટ્રોલ અને ડીઝલના ભાવમાં ફેરફાર થાય છે. જેના માપદંડોને આધારે પેટ્રોલના ભાવ અને ડીઝલના ભાવ નક્કી કરવાનું કામ તેલ કંપનીઓ કરે છે.
પેટ્રોલ-ડિઝલનો ભાવ તમે SMS દ્વારા પણ જાણી શકો છો. ઇંડિયન ઓઇલની વેબસાઇટ અનુસાર તમારે RSP અને તમારા શહેરનો કોડ લખીને 9224992249 નંબર મોકલવાનો રહેશે. જયારે બીપીસીએલ ગ્રાહકો RSP લખીને 9223112222 પર મેસેજ મોકલવાનો રહેશે અને એચપીસીએલ ગ્રાહકો HPPrice લખીને 9222201122 પર મેસેજ કરીને પેટ્રોલ-ડિઝલનો ભાવ જાણી શકશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
