આ દિવસે ખેડૂતોના ખાતાના આવશે પીએમ કિસાન યોજનાનો દસમો હપ્તો- સરકારે નક્કી કરી તારીખ

PM Kisan 10th Installment Update: ખેડૂતોને લઈને એક સારા સમાચાર સામે આવી રહ્યા છે. જો તમે પણ PM કિસાન(PM Kisan Samman Nidhi Yojana) યોજનાના લાભાર્થી છો, તો આ સમાચાર તમારા માટે છે. મીડિયા રિપોર્ટ્સ અનુસાર, PM કિસાન યોજના(PM Kisan) હેઠળ 10 મો હપ્તો(PM Kisan 10th installment) બહાર પાડવાની તારીખ નક્કી કરવામાં આવી છે. હપતો ટ્રાન્સફર કરવા માટે સરકાર દ્વારા તમામ જરૂરી વ્યવસ્થા કરવામાં આવી છે.

સરકારે હપ્તા બહાર પાડવાની આ તારીખ કરી નક્કી:
સરકારે અત્યાર સુધીમાં 11.37 કરોડ ખેડૂતોને 1.58 લાખ કરોડ રૂપિયા મોકલ્યા છે. હવે કેન્દ્ર સરકાર 15 ડિસેમ્બર 2021 સુધીમાં પ્રધાનમંત્રી કિસાન સમ્માન નિધિ યોજના(PM KISAN scheme)નો આગામી એટલે કે 10 મો હપ્તો બહાર પાડવાની યોજના બનાવી રહી છે. નોંધનીય છે કે, સરકારે ગયા વર્ષે 25 ડિસેમ્બર 2020 ના રોજ ખેડૂતોને નાણાં ટ્રાન્સફર કર્યા હતા.

4 હજાર રૂપિયા ખેડૂતોના ખાતામાં આવશે?
આ યોજના હેઠળ, જે ખેડૂતોને તેમના ખાતામાં પીએમ કિસાનનો 9 મો હપ્તો મળ્યો નથી તેમને હવે પછીના હપ્તા સાથે અગાઉની રકમ મળશે. એટલે કે ખેડૂતોને હવે 4000 રૂપિયા મળશે. પરંતુ તમને જણાવી દઈએ કે આ સુવિધા ફક્ત તે ખેડૂતોને જ ઉપલબ્ધ થશે જેમણે 30 સપ્ટેમ્બર પહેલા નોંધણી કરાવી છે. જો તમે પણ અરજી કરી છે, તો તે સ્વીકારવામાં આવે છે તો તમને એકસાથે 4000 રૂપિયા મળશે.

ખેડૂતો 10 મા હપ્તાની જોઈ રહ્યા છે રાહ:
પ્રધાનમંત્રી કિસાન સન્માન નિધિ યોજના હેઠળ હવે ખેડૂતો 10 મા હપ્તાની રાહ જોઈ રહ્યા છે. અત્યાર સુધી આ યોજનાના 9 હપ્તા ખેડૂતોના ખાતામાં જમા કરવામાં આવ્યા છે. તમને જણાવી દઈએ કે, પીએમ કિસાન યોજના અંતર્ગત કેન્દ્ર સરકાર દરેકના 2,000 રૂપિયાના ત્રણ હપ્તા એટલે કે 6000 રૂપિયા સીધા ખેડૂતોના ખાતામાં મોકલે છે. આ યોજનાનો હેતુ દેશના ખેડૂતોની આવક વધારવાનો અને તેમને સીધી આર્થિક મદદ કરવાનો છે.