PM મોદીએ અરવિંદ ત્રિવેદી અને ઘનશ્યામ નાયકને આપી શ્રધાંજલિ- આપણે અસાધારણ અને ઝુનૂની અભિનેતા ગુમાવ્યા

લોકપ્રિય ટીવી સિરિયલ રામાયણ(Ramayana)માં ‘રાવણ’ની ભૂમિકા ભજવનાર અભિનેતા અરવિંદ ત્રિવેદી(Arvind Trivedi) નું નિધન થયું છે. અરવિંદ ત્રિવેદીનું ગઈ કાલે રાત્રે હાર્ટ એટેકને કારણે નિધન થયું હતું. તેમણે 83 વર્ષની ઉંમરે અંતિમ શ્વાસ લીધા. અરવિંદ ત્રિવેદીના નિધનથી ટીવી ઉદ્યોગમાં શોકનું મોજું ફરી વળ્યું છે. ટીવી સેલેબ્સની સાથે બોલિવૂડ સ્ટાર્સ પણ તેમને શ્રદ્ધાંજલિ આપી રહ્યા છે. તે જ સમયે હવે વડાપ્રધાન નરેન્દ્ર મોદી(PM Narendra Modi)એ પણ ટ્વિટર પર ફોટો શેર કરીને અરવિંદ ત્રિવેદીને શ્રદ્ધાંજલિ(Tribute) આપી છે.

In the last few days, we have lost two talented actors who won the hearts of people through their works. Shri Ghanashyam Nayak will be remembered for his multifaceted roles, most notably in the popular show ‘Taarak Mehta Ka Ooltah Chashmah.’ He was also extremely kind and humble. pic.twitter.com/nwqKVpm4ry

— Narendra Modi (@narendramodi) October 6, 2021

વડાપ્રધાન મોદીના સત્તાવાર ટ્વિટર એકાઉન્ટ પરથી એક તસવીર શેર કરવામાં આવી છે, જેમાં તેઓ દિવંગત અભિનેતા સાથે જોવા મળી રહ્યા છે. તસવીરમાં બંને એકબીજા સાથે હાથ મિલાવતા જોઈ શકાય છે. તેને શેર કરતા લખ્યું છે કે, ‘અમે શ્રી અરવિંદ ત્રિવેદીને ગુમાવ્યા છે, જે માત્ર એક અસાધારણ અભિનેતા જ નહોતા પણ જનસેવા માટે પણ ઉત્સાહી હતા. ભારતીયોની પેઢીઓ સુધી તેમને રામાયણ ટીવી સિરિયલમાં તેમના કામ માટે યાદ કરવામાં આવશે. અભિનેતાના પરિવાર અને ચાહકો બંને માટે સંવેદના. ઓમ શાંતિ. પીએમ મોદીની આ પોસ્ટ પર સોશિયલ મીડિયા યુઝર્સ પણ પોતાની પ્રતિક્રિયા આપી રહ્યા છે. મોટાભાગના યુઝર્સ તેના પર ‘ઓમ શાંતિ’ લખી રહ્યા છે.

મધ્યપ્રદેશના ઉજ્જૈનમાં જન્મેલા અરવિંદ ત્રિવેદીની કારકિર્દીની શરૂઆત ગુજરાતી મંચથી થઈ હતી. તેઓ ઘણી ગુજરાતી ફિલ્મોમાં અભિનય કરતા જોવા મળ્યા છે. ગુજરાતી પ્રેક્ષકોમાં તેમની સારી ઓળખ હતી. તેમના શાનદાર અભિનય માટે તેમને ઘણા પુરસ્કારોથી પણ નવાજવામાં આવ્યા છે. આપને જણાવી દઈએ કે અરવિંદ ત્રિવેદીએ અત્યાર સુધીમાં 300 જેટલી હિન્દી અને ગુજરાતી ફિલ્મોમાં પોતાના શાનદાર અભિનયથી લોકોનું મનોરંજન કર્યું છે.