સુરતની પીપી સવાણી શાળાના વિદ્યાર્થીઓ બોર્ડમાં ચમક્યા- સામાન્ય પરિવારના સંતાનોની સફળતાની ચાવી બની પીપી સવાણી સંસ્થા

સુરત(surat): આજ રોજ ગુજરાત માધ્યમિક બોર્ડ દ્વારા જાહેર થયેલ H.S.C. (Science) ના જાહેર થયેલ પરિણામમાં પી.પી. સવાણી સ્કૂલ(P.P. Savani School)ના ૯ વિધાર્થીઓએ..A1. ગ્રેડ પ્રાપ્ત કરી સમગ્ર ગુજરાતમાં ઝળહળતી સિધ્ધી પ્રાપ્ત કરી સુરત શહેરનું નામ રોશન કર્યું છે.

આ તબક્કે દરેક વિદ્યાર્થીઓને સંસ્થાના ચેરમેન વલ્લભભાઈ સવાણી(Vallabhbhai Savani) દ્વારા તેમના આગળના ભવિષ્ય માટે શુભકામનાઓ પાઠવી હતી. સાથે સાથે વિદ્યાર્થીઓને આગામી સમયમાં JEE/NEET પરીક્ષા આપવાની હોય તે પરીક્ષાઓ માટે પણ શુભકામનાઓ પાઠવી હતી.

ક્વોલીફાઈડ થયેલા તમામ વિદ્યાર્થીઓની મહેનત અને કોઠાસૂઝ તથા ખંતીલા શિક્ષકોનું સમયસરનું અને સચોટ યોગ્યદીશાનું માર્ગદર્શન વિદ્યાર્થીઓની સફળતાના પર્યાય બની ગયા હતા.અને અવિરત પણે દર વર્ષની જેમ જ સમગ્ર ગુજરાતમાં પી.પી.સવાણી શાળાના વિદ્યાર્થીઓ અગ્રેસર રહી ખુબ જ ધમાકેદાર પરિણામ પ્રાપ્ત કરવામાં સફળતા મેળવી હતી.

આર્થિક સ્થિતિ ખૂબ જ નબળી છતાં દીકરીએ સફળતા મેળવી
મૂળ અમરેલીના બગસરા ગામની અને હાલમાં સુરતની રહેવાસી ધો.12 સાયન્સમાં અભ્યાસ કરતી વિદ્યાર્થીની ધ્રુવી પરેશભાઈ ડોબરિયાએ A1 ગ્રેડ સાથે ઝળહળતું પરિણામ હાંસલ કર્યું છે. ધ્રુવીએ પોતાની સફળતા અંગે જણાવ્યું કે, મારાંપપ્પા હીરા મજૂરી કામ કરે છે.અને માતા ઘરકામ કરે છે. મોટો ભાઈ વિકલાંગ અને પથારીમાં છે. હાલ ભાડાના મકાનમાં રહે છે. તેમની પરિસ્થિતી જોઈ ધ્રુવીને ડોક્ટર બનવાની પ્રેરણા મળી. ધો.11 /12 સાયન્સ વિભાગની ફી ભરી શકવાની વ્યવસ્થા ના હોય પી.પી.સવાણી સ્કૂલ દ્વારા સંપૂર્ણ ફી માફી આપવામાં આવી. ધ્રુવીનું NEET પરીક્ષામાં સારું પરિણામ મેળવી એઇમ્સ માથી MBBSમાં પ્રવેશ મેળવવાનું સપનું છે.