આણંદમાં ચાલતી દેશી દારૂની ભઠ્ઠીઓ પર અચાનક ત્રાટકી પોલીસ અને...

આણંદ(ગુજરાત): આણંદના આંકલાવ તાલુકના ભેટાસી ભાગ તેમજ આસ-પાસના અનેક વિસ્તારોમાં દેશી અને વિદેશી દારૂનું વેચાણ થય રહ્યું છે. જેના કારણે ગામના નવ યુવાનોને દારૂની લત લાગી છે. જેના વિરોધમાં ગુરુવારે ક્ષત્રીય સેના આંકલાવ તાલુકા સંગઠન દ્વારા આંકલાવ મામલતદાર તેમજ પોલીસ સ્ટેશનમાં આવેદનપત્ર આપ્યું હતું. આંકલાવ પોલીસે વહેલી સવારે તેના ભાગરૂપે ભેટાસી વાટા અને ભેટાસી ભાગમાં રેડ પાડી હતી. જેને લઈને દારૂ બનવનારાઓમાં ભાગ દોડ મચી ગઈ હતી.

વહેલી સવારે પોલીસે ગામમાં ચાલતી 9 ભઠ્ઠીઓ પર રેડ કરીને 1800 લીટર વોશ અને 75 લીટર દેશી દારૂ ઝડપી પાડ્યો છે. વહેલી સવારે આંકલાવ પોલીસે ગામમાં ધમધમી રહેલી ભઠ્ઠીઓ પર રેડ કરી 9 લોકોની ધડપકડ કરી છે. પકડાયેલા આરોપીઓમાં રૂપાબેન તળપદા, જસીબેન તળપદા, સુધા તળપદા, સુરેશ તળપદા, મોહન તળપદા, ઈચ્છાબેન તળપદા, કનું તળપદા, લક્ષ્મી તળપદા અને લક્ષ્મી તળપદાનો સમાવેશ થાય છે.

પોલીસે રેડ દરમિયાન 1800 લીટર વોશ અને 75 લીટર દેશી દારૂ ઝડપી વધુ કાર્યવાહી શરુ કરી છે. નોંધનીય છે કે, આંકલાવ તાલુકાના અનેક વિસ્તારોમાં દેશી દારૂની ભઠ્ઠીઓ ચાલી રહી છે. જેના વિરોધમાં ગુરુવારે ક્ષત્રીય સેના આંકલાવ તાલુકા સંગઠન દ્વારા આંકલાવ મામલતદાર તેમજ પોલીસ સ્ટેશનમાં આવેદનપત્ર આપ્યું હતું.