સુરત પોલીસે દારૂ પાર્ટીના રંગમાં પાડ્યો ભંગ, મહિલાઓ સહિત 50ની અટકાયત

ગુજરાતમાં દારૂબંધીનાં દાવાને ખોટો પાડતા સુરતની નબીરી મહિલાઓ ઝડપાતા ચકચાર મચી ગઇ છે. સુરતના ડુમસ રોડ પાસે દારૂની મહેફિલ માળતા યુવક-યુવતીઓની પોલીસે રેડ પાડી ધરપકડ કરી છે. પોલીસને બાતમી મળી હતી કે, અહીં દારૂની મહેફિલ ચાલી રહી છે. રેડ પાડતા 13 યુવતીઓ સહિત 50થી વધુની અટકાયત કરવામાં આવી છે. જેમાથી 25 યુવક અને 2 યુવતીઓ સામે ગુનો નોંધાયો છે.

ફાર્મ હાઉસમાં ચાલતી મહેફિલ બાબતે માહિતી મળતા પોલીસે ડુમસ આશીર્વાદ ફાર્મ હાઉસમાં રેડ પાડી હતી. જ્યાંથી 13 યુવતી સહિત 50થી વધુને અટક કરી પોલીસ સ્ટેશનમાં લવાયા હતા. આગળની તપાસમાં જે કોઈ પણ દારૂ કે કોઈ પ્રકારનું વ્યસન કર્યું હશે તો તે વિશે તપાસ કરી ચોક્કસ કાયદેસરના પગલાં ભરીશું. તમામ 17 થી 25 વર્ષ ની ઉંમર ના હોવાનું બહાર આવ્યું છે.