સુરતમાં કાયદાના રક્ષકો જ બન્યા ભક્ષક- જાહેરમાં જ કેક કાપી જન્મદિવસની ઉજવણી કરતા પોલીસકર્મીનો વિડીયો થયો વાયરલ

સુરત(Surat): શહેરમાં અવાર નવાર જાહેરમાં જન્મદિવસની ઉજવણી(Birthday celebration) કરતા વિડીયો સોશિયલ મીડિયામાં વાયરલ(Viral video) થતા રહેતા હોય છે. ત્યારે પોલીસ(Surat Police) દ્વારા તેનાં પર કડક કાર્યવાહી કરવામાં આવતી હોય છે. પરંતુ પોલીસ જ આ પ્રકારે જાહેરમાં જ જન્મ દિવસની ઉજવણી કરી રહી છે તો તેનાં પર કોણ કાર્યવાહી કરશે? તે એક સળગતો પ્રશ્ન ઉદભવી રહ્યો છે.

સુરત ના સચિન પોલીસ સ્ટેશન ના કર્મચારી આવ્યા વિવાદ માં – સચિન પોલીસ દ્વારા જાહેરમાં જન્મદિવસ ની ઊજવણી કરતા વીડિયો અને ફોટા સોસીયલ મીડિયામાં વાઇરલ #trishulnews #topnewstoday #gujaratinews #breakingnews #newsupdate #viralvideo pic.twitter.com/lnmKjm43BT

— Trishul News (@TrishulNews) October 1, 2021

સુરત શહેર પોલીસ ફરી એક વખત વિવાદમાં આવતા માહોલ ગરમાયો છે. સુરત શહેરના સચિન પોલીસ સ્ટેશનના પોલીસ કર્મચારી વિવાદમાં આવ્યા છે. સચિન પોલીસ દ્વારા જાહેરમાં જન્મદિવસ ની ઊજવણી કરતો વિડીયો અને ફોટો સોશિયલ મીડિયામાં વાયરલ થતા હવે પોલીસ સામે અનેક પ્રશ્નો ઉદભવ્યા છે.

શહેરના સચિનના કપ્લેટા ચેકપોસ્ટમાં જાહેરમાં જ પોલીસ કર્મીના જન્મદિવસની ઉજવણી કરવામાં આવી હતી. કિસન જાની નામના પોલીસ કોન્સ્ટેબલનો જન્મદિવસ ની ઉજવણી ના વિડિઓ અને ફોટો સોશિયલ મીડિયામાં વાયરલ થતા પોલીસ સામે અનેક સળગતા સવાલો ઉભા થઇ રહ્યા છે. ત્યારે સૌથી મોટો સવાલ તો એ થઇ રહ્યો છે કે જો કોઈ વ્યક્તિ આ પ્રકારનો ગુનો કરે તો તેનાં પર કાયદેસરની કાર્યવાહી કરવામાં આવે છે તો કાર્યવાહી કરનાર જ લોકો આ પ્રકારે કાયદાના લીલેલીરા ઉડાડે તે કેટલું યોગ્ય કહી શકાય?