November 03, 2024
Salaar: પ્રભાસ સ્ટારર ‘સાલરઃ પાર્ટ 1 સીઝફાયર’ વર્ષ 2023ની સૌથી મોટી ફિલ્મોમાંની એક બની ગઈ છે. આ ફિલ્મે રિલીઝ થતાની સાથે જ બોક્સ ઓફિસ પર ધૂમ મચાવી દીધી હતી. ‘સાલાર’( Salaar )ને દર્શકોનો જબરદસ્ત પ્રતિસાદ મળ્યો અને તેની સાથે જ તેના પર નોટોનો વરસાદ થયો હતો.આ ફિલ્મે શાહરૂખ ખાનના ડંકીને બોક્સ ઓફિસના આંકડામાં પણ હરાવ્યો છે. તો ચાલો જાણીએ કે ‘સાલારે’ રિલીઝના 13માં દિવસે કેટલા કરોડની કમાણી કરી?
‘સલાર’એ તેની રિલીઝના 13માં દિવસે કેટલી કમાણી કરી?
એક્શન ક્રાઈમ થ્રિલર ‘સાલાર’ને દર્શકોનો ઘણો પ્રેમ મળ્યો છે. આ ફિલ્મ જોવા માટે મોટી સંખ્યામાં દર્શકો થિયેટરોમાં પહોંચ્યા અને આ સાથે પ્રભાસની ફિલ્મે સારી કમાણી કરી હોવાનું પણ સામે આવ્યું છે. આ ફિલ્મ હવે રિલીઝના બીજા સપ્તાહમાં છે અને હજુ પણ બોક્સ ઓફિસ પર રાજ કરી રહી છે.ત્યારે ફિલ્મની કમાણીની વાત કરીએ તો, 90.7 કરોડ રૂપિયા સાથે ઓપનિંગ કરનાર આ ફિલ્મે પહેલા અઠવાડિયામાં 308 કરોડ રૂપિયાનું કલેક્શન કર્યું હતું. બીજા સપ્તાહમાં પણ ‘સાલર’ની કમાણી શાનદાર રહી હતી.
તેણે રિલીઝના 8માં દિવસે 9.62 કરોડ, 9માં દિવસે 12.55 કરોડ, 10માં દિવસે 15.1 કરોડ, 11માં દિવસે 16.6 કરોડ અને 12માં દિવસે 6.45 કરોડનું કલેક્શન કર્યું હતું. હવે આ ફિલ્મની કમાણીના પ્રારંભિક આંકડા તેની રિલીઝના 13માં દિવસે એટલે કે બીજા બુધવારે આવી ગયા છે.’સલાર’એ તેની રિલીઝના 13માં દિવસે એટલે કે બીજા બુધવારે 5.25 કરોડ રૂપિયાની કમાણી કરી હતી.આ સાથે 13 દિવસમાં ‘સલાર’ની કુલ કમાણી હવે 373.57 કરોડ રૂપિયા પર પહોંચી ગઈ છે.
Trending News
‘સાલારે’ વિશ્વભરમાં કેટલી કમાણી કરી?
‘સાલાર’ સમગ્ર વિશ્વમાં બોક્સ ઓફિસ પર તબાહી મચાવી રહી છે અને સારી કમાણી કરી રહી છે. ટ્રેડ એનાલિસ્ટ મનોબાલા વિજયે ‘સલાર’ના વિશ્વવ્યાપી કલેક્શનના આંકડા શેર કર્યા છે. આ હિસાબે ‘સાલારે’ 12 દિવસમાં વિશ્વભરમાં 639.34 કરોડ રૂપિયાનું કલેક્શન કર્યું છે. 13માં દિવસે ફિલ્મ વિશ્વભરમાં 650 કરોડ રૂપિયાનો આંકડો પાર કરે તેવી આશા છે.
એડવાન્સ બુકિંગ દ્વારા રેકોર્ડ બનાવવો
પ્રભાસની ફિલ્મ સાલાર રિલીઝ પહેલા જ રેકોર્ડ બનાવી રહી છે. એડવાન્સ બુકિંગની વાત કરીએ તો, સાલારે તેની રિલીઝ પહેલા જ ટિકિટોમાંથી આશરે રૂ. 49 કરોડની કમાણી કરી હતી,આ આંકડો ડંકીના ઓપનિંગ કલેક્શન કરતાં પણ વધુ છે. આ સિવાય વર્ષ 2023માં યુએસમાં સૌથી વધુ એડવાન્સ બુકિંગ સાથે તે ભારતીય ફિલ્મ બની ગઈ છે. આ ફિલ્મમાં પ્રભાસે પહેલીવાર શ્રુતિ હાસન સાથે સ્ક્રીન શેર કરી છે.તમને જણાવી દઈએ કે ‘સાલાર’માં પ્રભાસ સિવાય શ્રુતિ હાસન, પૃથ્વીરાજ સુકુમારન, ઈશ્વરી રાવ, શ્રિયા રેડ્ડી, ટીનુ આનંદ અને જગપતિ બાબુએ મહત્વની ભૂમિકાઓ ભજવી છે. આ ફિલ્મનું નિર્દેશન પ્રશાંત નીલ દ્વારા કરવામાં આવ્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube