November 24, 2024
પ્રશાંત કિશોર જેઓ ભાજપ પછી કોંગ્રેસ અને પછી જેડીયુ સહિત વિવિધ રાજકીય પક્ષો માટે ચૂંટણી વ્યૂહરચનાકાર હતા, તેઓ હવે અન્ય લોકો માટે વ્યૂહરચના બનાવશે નહીં. પીકે હવે પોતાની પાર્ટી માટે રણનીતિ તૈયાર કરશે.પ્રશાંત કિશોરએ આ તરફ ધ્યાન દોર્યું છે. તેમણે સોમવારે ટ્વીટ કરીને કહ્યું કે, જનતાની વચ્ચે જવાનો સમય આવી ગયો છે. તેની શરૂઆત બિહારથી થશે.
ટૂંક સમયમાં દેશભરમાં એક સાથે પાર્ટીની શરૂઆત કરશે
પ્રશાંત કિશોરની નવી પાર્ટી ક્યારે લોન્ચ કરવામાં આવશે, તે હજુ સુધી જાહેર કરવામાં આવ્યું નથી, પરંતુ પ્રશાંત કિશોર ટૂંક સમયમાં આખા દેશમાં એક સાથે પાર્ટીની શરૂઆત કરશે. ખાસ વાત એ છે કે પીકે હજુ પણ પટનામાં છે. આવી સ્થિતિમાં, એવું માનવામાં આવે છે કે તેઓ અહીં પોતાના માટે નવી રણનીતિ તૈયાર કરી રહ્યા છે.
પ્રશાંત કિશોર જનતાને અસલી માલિક કહ્યું
પ્રશાંત કિશોરે એક ટ્વીટમાં જણાવ્યું હતું કે, “લોકશાહીમાં પ્રભાવશાળી યોગદાન આપવા અને લોકો પ્રત્યેની કાર્ય નીતિઓ ઘડવામાં મદદ કરવાની તેમની ભૂખમાં ઉતાર-ચઢાવ આવ્યા છે. આજે જ્યારે તેઓ પાનાં ફેરવે છે, ત્યારે સમય આવી ગયો છે. વાસ્તવિક માલિકોની વચ્ચે જવાનો. એટલે કે લોકોની વચ્ચે જેથી તેઓ તેમની સમસ્યાઓ સારી રીતે સમજી શકે અને ‘જન સૂરજ’ના માર્ગ પર આગળ વધી શકે.
Trending News
પ્રશાંત કિશોરની પાર્ટી ટેક્નોલોજીનો કરશે ઉપયોગ
પ્રશાંત કિશોર એટલે કે પીકે કોંગ્રેસમાં મંત્રણા સફળ ન થયા બાદ રાષ્ટ્રીય અને પ્રાદેશિક સ્તરે રાજકારણમાં મોટો ફેરફાર કરવાની તૈયારી કરી રહ્યા છે. સૂત્રોના જણાવ્યા અનુસાર, પ્રશાંત કિશોરની પાર્ટી સંપૂર્ણ રીતે આધુનિક, ડિજિટલ હશે અને પબ્લિક રિલેશનની નવી એડવાન્સ ટેક્નોલોજી સાથે લોન્ચ કરવામાં આવશે. પાર્ટીનું નામ શું હશે તે અંગે કોઈ અંતિમ વાત થઈ નથી. પરંતુ સૂત્રો કહે છે કે, પ્રશાંત કિશોર એક-બે વર્ષમાં પોતાની રાજકીય પાર્ટી શરૂ કરશે.
પ્રશાંત કિશોર મોદીને સત્તામાં લાવીને લાઇમલાઇટમાં આવ્યા
પ્રશાંત કિશોરનો જન્મ 1977માં બિહારના બક્સર જિલ્લામાં થયો હતો. તેની માતા ઉત્તર પ્રદેશના બલિયા જિલ્લાની છે, જ્યારે પિતા બિહાર સરકારમાં ડૉક્ટર છે. તેમની પત્નીનું નામ જ્હાનવી દાસ છે, જે આસામના ગુવાહાટીમાં ડોક્ટર છે. પ્રશાંત કિશોર અને જ્હાન્વીને એક પુત્ર છે. પ્રશાંત કિશોરના રાજકીય કરિયરની વાત કરીએ તો તે 2014માં મોદી સરકારને સત્તામાં લાવવાના કારણે ચર્ચામાં આવ્યા હતા. તેઓ એક ઉત્તમ ચૂંટણી વ્યૂહરચનાકાર તરીકે જાણીતા છે. તેઓ હંમેશા તેમની ચૂંટણીની રણનીતિને અંજામ આપવા માટે પડદા પાછળ રહ્યા છે.
સંયુક્ત રાષ્ટ્રની નોકરી છોડી મોદીની ટીમમાં જોડાયા
34 વર્ષની ઉંમરે આફ્રિકાથી યુનાઈટેડ નેશન્સ (UN)ની નોકરી છોડીને, પ્રશાંત કિશોર 2011માં ગુજરાતના તત્કાલિન મુખ્યમંત્રી નરેન્દ્ર મોદીની ટીમમાં જોડાયા હતા. આ પછી જ રાજકારણમાં બ્રાન્ડિંગનો યુગ શરૂ થયો. પ્રશાંત કિશોરને મોદીના અદ્યતન માર્કેટિંગ અને ચાઈ પે ચર્ચા, 3ડી રેલી, રન ફોર યુનિટી, મંથન જેવા જાહેરાત ઝુંબેશનો શ્રેય આપવામાં આવે છે. તેઓ ઈન્ડિયન પોલિટિકલ એક્શન કમિટી (I-PAC) નામની સંસ્થા ચલાવે છે. તે નેતૃત્વ, રાજકીય વ્યૂહરચના, સંદેશ અભિયાન અને ભાષણોનું બ્રાન્ડિંગ કરે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.