મગજના તાવથી 108 બાળકોના મોત બાદ ખબર કાઢવા પહોચ્યા CM નો થયો આવો વિરોધ, જુઓ વિડીયો

બિહારના મુઝફ્ફરપુરના એક્યૂટ એંસેફેલાઈટિસ સિંડ્રોમ (AES) એટલે કે મગજના તાવમાં અત્યાર સુધી 108 બાળકોના મોત થયા છે. છેલ્લા એક સપ્તાહથી સતત બાળકો આ તાવથી પીડાઈ રહ્યા છે અને હવે રાજ્યના મુખ્યમંત્રી નીતિશ કુમારને હોસ્પિટલની મુલાકાત લેવાનો સમય મળ્યો છે. નીતિશ જ્યારે હોસ્પિટલ પહોંચ્યા ત્યારે લોકોએ તેમનો ખૂબ વિરોધ કર્યો હતો. બહાર ઉભા રહેલા લોકોએ નીતિશ ગો બેકના નારા પણ લગાવ્યા હતા.

છેલ્લા એક અઠવાડિયાથી આ તાવને કારણે હાહાકાર મચેલો છે, ત્યારે છેક આજે રાજ્યના મુખ્યમંત્રી નિતિશ કુમાર હોસ્પિટલમાં ખબર પૂછવા આવ્યા હતા. પરંતુ હોસ્પિટલ આવેલા નિતિશ કુમારનો લોકોએ ખૂબ વિરોધ કર્યો હતો.

#WATCH Locals hold protest outside Sri Krishna Medical College and Hospital in Muzaffarpur as Bihar CM Nitish Kumar is present at the hospital; Death toll due to Acute Encephalitis Syndrome (AES) is 108. pic.twitter.com/N1Bpn5liVr

— ANI (@ANI) June 18, 2019

સરકાર સતત એક્શન લેવાનો દાવો કરી રહી છે તેમ છતા અહીં બીમાર બાળકોની સંખ્યા 414 થઈ ગઈ છે. મગજના તાવથી પીડિત મોટા ભાગના બાળકો મુઝફ્ફરપુરની સરકારી શ્રીકૃષ્ણા મેડિકલ કોલેજ એન્ડ હોસ્પિટલ અને કેજરીવાલ હોસ્પિટલમાં એડમિટ છે.

અત્યાર સુધી એસકેએમસીએચ હોસ્પિટલમાં 89 અને કેજરીવાલ હોસ્પિટલમાં 19 બાળકોના મોત થયા છે. મગજના તાવથી શરૂ થયેલા વિવાદ વચ્ચે મુખ્યમંત્રી નીતિશ કુમાર આજે મુઝફ્ફરપુરની એસકેએમસીએચ હોસ્પિટલની મુલાકાત લીધી હતી અને ત્યાંની પરિસ્થિતિ જાણી હતી.