પુષ્પા 2 નું ધમાકેદાર ટીઝર રીલીઝ : અલ્લુ અર્જુનની એક્શનથી રુંવાટા ઉભા થઈ જશે, જુઓ ટીઝર …

Pushpa 2 Teaser Release: સાઉથ ઇન્ડસ્ટ્રીઝના સુપરસ્ટાર અલ્લુ અર્જુને તેના જન્મદિવસ પર તેના ચાહકોને એક ખાસ ભેટ આપી છે. અલ્લુ અર્જુન આજે એનો 42 બર્થ ડે સેલિબ્રેટ કરી રહ્યા છે. આ ખાસ દિવસે અલ્લુ અર્જુન અને રશ્મિકા મંદાનાની પુષ્પા 2નું ટીઝર રિલીઝ(Pushpa 2 Teaser Release) કરવામાં આવ્યુ છે. અર્જુન તેના આઇકોનિક પાત્ર પુષ્પરાજની ભૂમિકામાં પાછો ફર્યો છે અને તેની ફિલ્મ ‘પુષ્પા 2: ધ રૂલ’નું ટીઝર આવી ગયું છે. ‘પુષ્પાઃ ધ રૂલનું ટીઝર’ રિલીઝ થતાની સાથે સોશિયલ મિડીયામાં છવાઇ ગયુ છે.

‘પુષ્પા 1: ધ રાઇઝ’માં તેના અત્યંત સામૂહિક અવતારથી ચાહકોનું મનોરંજન કર્યા પછી, અલ્લુ અર્જુન હવે સિક્વલ સાથે ફરીથી ધમાલ મચાવવા માટે તૈયાર છે. ‘પુષ્પાઃ ધ રૂલનું ટીઝર’ ટીઝર લોકોને ખૂબ પસંદ પડી રહ્યુ છે. જો કે રિવ્યુ પણ બહુ સારા મળી રહ્યા છે. ફરી એક વાર પુષ્પા રાજ અને શ્રીવલ્લીએ પોતાના દમદાર અંદાજથી દર્શકોનું દિલ જીતી લીધુ છે. ‘પુષ્પા 2’નું ટીઝર આવતાની સાથે ફેન્સ મુવીને લઇને સુપર એક્સાઇટેડ થઇ ગયા છે. આ મુવીને લઇને ફેન્સમાં ભારે ઉત્સાહ જોવા મળી રહ્યો છે.

સ્ટાર અલ્લુ અર્જુન અને નેશનલ ક્રશ રશ્મિકા મંદાનાની ફિલ્મ પુષ્પા 2નું ટીઝર લોકોને ખૂબ પસંદ આવી રહ્યું છે. આટલું જ નહિ ગણતરીની મિનીટમાં જ આ ટીઝર સોશિયલ મીડિયા પર છવાય ગયું છે. યુટ્યૂબ પર 10 મિલિયન વ્યુઝ મળી ચુક્યા છે. ‘પુષ્પા 2’નું ટીઝરને જોઇને તમારા રુંવાડા પણ ઉભા થઇ જશે. પુષ્પા 2 બોક્સ ઓફિસ પર ધૂમ મચાવવા માટે તૈયાર છે. પુષ્પા 2નું ટીઝર જોયા પછી એવું લાગી રહ્યું છે કે મુવી પણ દમદાર હશે. ટીઝરનું બેકગ્રાઉન્ડ, વિઝ્યુઅલ ઇફેક્ટ્સ અને દરે સીનમાં કંઇકને કંઇક નવું જોવા મળી રહ્યુ છે.

તમને જણાવી દઈએ કે ‘પુષ્પા 1’માં, અલ્લુ અર્જુને પુષ્પરાજનું પાત્ર ભજવ્યું હતું, જે એક ગેંગસ્ટર હતો જે લાલ ચંદનની દાણચોરીના નેટવર્કમાં જૂના ખેલાડીઓને હરાવીને ખૂબ જ ઝડપથી વધી રહ્યો હતો. હવે અર્જુનનું આ પાત્ર ‘પુષ્પા 2’માં રાજ કરવા માટે તૈયાર છે. લગભગ એક વર્ષ પહેલા ‘પુષ્પા 2’નો ફર્સ્ટ લૂક વીડિયો શેર કરવામાં આવ્યો હતો, જેમાં કહેવામાં આવ્યું હતું કે પુષ્પરાજનું પાત્ર સ્ટોરીમાંથી ગાયબ થઈ ગયું છે. આ વીડિયોમાં ખુલાસો થયો હતો કે પુષ્પરાજ તિરુપતિ જેલમાંથી ભાગી ગયો છે અને તેને રોકવા માટે પોલીસે તેના પર ગોળીબાર કર્યો હતો. વીડિયોમાં કહેવામાં આવ્યું છે કે હવે પુષ્પરાજ પોલીસની ગોળીઓથી ખરાબ રીતે ઘાયલ છે. પોલીસનું સ્પેશિયલ યુનિટ તેને જંગલોમાં શોધી રહ્યું છે અને તેના લોહીથી લથબથ કપડાં પર 8 ગોળીઓના નિશાન છે.