નુપુર શર્માને ધમકી આપનાર સલમાન ચિશ્તીને પોલીસે કહ્યું, ‘ નશામાં હતો એમ કે’જે એટલે બચી જઈશ’- જુઓ વિડીયો

નુપુર શર્મા(Nupur Sharma)ને ધમકી આપવા બદલ ધરપકડ કરાયેલ રાજસ્થાન(Rajasthan)ના અજમેર(Ajmer)માં દરગાહના ખાદિમનો એક વિડીયો વાયરલ થઈ રહ્યો છે. જેમાં તે પોલીસની કસ્ટડીમાં જોવા મળી રહ્યો છે. જોકે, પોલીસ તેને સમજાવતી હોય તેવું લાગી રહ્યું છે કે, તું નશામાં હતો તેમ કહેજે, એટલે તારો બચાવ થઇ શકે.

વાસ્તવમાં, અજમેરના સૂફી સંત ખ્વાજા મોઇનુદ્દીન હસન ચિશ્તીની દરગાહના ખાદિમ સલમાન ચિશ્તીએ નૂપુર શર્મા વિશે વિવાદિત નિવેદન આપ્યું હતું. તેનો વીડિયો વાયરલ થયો હતો. જેમાં સલમાન ચિશ્તીએ નુપુર શર્માનું ગળું લાવનારને ઈનામ આપવાની જાહેરાત કરી હતી. જોકે, વીડિયો વાયરલ થયા બાદ પોલીસે સલમાન ચિશ્તીની ધરપકડ કરી હતી.

In this video, Ashok Gehlot’s police is seen tutoring Salman Chishti, who called for Nupur Sharma’s beheading, to claim that he made the statement in an inebriated condition, so that he can be saved. Do #HinduLivesMatter in Congress rule? RJ police could have averted Udaipur too. pic.twitter.com/a33zZxIYgn

— Amit Malviya (@amitmalviya) July 6, 2022

જે અધિકારીએ સલમાન ચિશ્તીને સમજાવવાનો પ્રયાસ કર્યો હતો તેને સજા કરવામાં આવી હતી:
હવે સલમાન ચિશ્તીનો એક નવો વીડિયો સામે આવ્યો છે. ત્યારથી અજમેર પોલીસ શંકાના દાયરામાં આવી ગઈ છે. ખરેખર, આ વીડિયોમાં પોલીસ સલમાન ચિશ્તીને સમજાવતી જોવા મળી રહી છે. પોલીસે ચિશ્તીને કહ્યું હતું કે, “તું નશામાં હતો જેથી તારો બચાવ થાય.” વીડિયો વાયરલ થયા બાદ વહીવટી તંત્ર હરકતમાં આવ્યું હતું. આ પછી દરગાહના ડીએસપી સંદીપ સારસ્વતને લાઇનમાં ખસેડવામાં આવ્યા છે. આ વીડિયોમાં સંદીપ સારસ્વત સલમાનને સમજાવતો જોવા મળ્યો હતો.