આ તો પુષ્પાનો’ય બાપ નીકળ્યો- સોનાની દાણચોરી કરવા એવો કીમિયો અપનાવ્યો કે, પોલીસ તો ઠીક મશીન પણ ન પડકી શક્યું

રાજસ્થાન(Rajasthan)માં રવિવારે જયપુર એરપોર્ટ(Jaipur airport) પર સોનાની દાણચોરીનો વધુ એક કિસ્સો સામે આવ્યો હતો. કોસ્મેટિક(Cosmetic) આઈટમો (બ્યુટી ક્રીમ, મૂવ)ની 3 ટ્યુબમાં છૂપાવીને 7 સોનાના સળિયા લઈને યુવક જયપુર પહોંચ્યો હતો. કસ્ટમ્સ વિભાગની ટીમે તેને પકડી લીધો હતો. તેની પાસેથી 145.26 ગ્રામ સોનું મળી આવ્યું છે. તેની બજાર કિંમત લગભગ 7 લાખ 50 હજાર રૂપિયા છે. કસ્ટમ અધિકારીઓની વાત માનીએ તો આ રીતે સોનું લાવવાનો આ પહેલો કિસ્સો હતો.

કસ્ટમના આસિસ્ટન્ટ કમિશનર ભારત ભૂષણે જણાવ્યું કે, આરોપી યુવક ચુરુ જિલ્લાનો રહેવાસી છે. ઈન્ડિગોની ફ્લાઈટ દ્વારા રવિવારે સવારે દોહાથી મુંબઈ પહોંચ્યા હતો. મુંબઈથી ફ્લાઈટ બદલીને તેઓ એર ઈન્ડિયાથી રવિવારે બપોરે 1.30 વાગ્યે જયપુર પહોંચ્યા હતા. અને અહીં સોના સાથે ઝડપાયો હતો.

એક્સ-રે મશીનમાં પણ પકડાયો નહિ:
આસિસ્ટન્ટ કમિશનરે જણાવ્યું હતું કે ધરપકડ કરાયેલા યુવકની બેગને એકવાર સ્કેન કરવામાં આવ્યા બાદ મશીનમાં પણ સોનું મળી રહ્યું ન હતું. કદાચ આ જ કારણ હશે કે જ્યારે તેણે મુંબઈ એરપોર્ટ પર પહોંચ્યા પછી ફ્લાઈટ બદલી તો તે પકડાયો નહીં. અમારી પાસે પહેલેથી જ ઇનપુટ હતું. જ્યારે અમે અહીં એક્સ-રે મશીનમાં બેગની ફરી તપાસ કરી તો અમને તેમાં કેટલાક કાળા ડાઘ જોવા મળ્યા, જેના પછી અમે શોધ કરી. એક નાની ડોલ મળી. તેમાં ચોકલેટ અને કોસ્મેટિક વસ્તુઓ રાખવામાં આવી હતી.

જાણકારે ચોકલેટ, ક્રીમની ટ્યુબ આપી:
બેગમાંથી નીકળેલા કોસ્મેટીક આઈટમને કાપીને જોયું ત્યારે મામલો ખુલ્લો થયો હતો. તેમાંથી સોનાના સળિયાના નાના ટુકડા મળી આવ્યા હતા. યુવકે જણાવ્યું કે તે દોહામાં મજૂરીનું કામ કરે છે. તે જ સમયે, એક પરિચિતે તેને આ ડોલ આપી હતી, જેમાં તેણે ચોકલેટ અને કોસ્મેટિક ક્રીમ લઈ જવા માટે આપી હતી. તેણે કહ્યું કે તેને ખબર નહોતી કે આ કોસ્મેટિક ક્રીમની ટ્યુબમાં સોનાનો સળિયો છે. કસ્ટમ અધિકારીઓએ કહ્યું કે અમે પહેલીવાર જયપુર એરપોર્ટ પર ક્રીમની ટ્યુબમાં સોનું છુપાવવાનો મામલો પકડ્યો છે.