November 28, 2024
સાબરકાંઠા જીલ્લા ભાજપ યુવા મોરચાના મહામંત્રી સંજય પટેલના ખેતરમાં ભાગીયા (ભાગીદાર)ની પત્ની પર દુષ્કર્મ આચરવાનો આક્ષેપ લાગ્યો છે. તલોદ પોલીસે સંજય પટેલ વિરુદ્ધ દુષ્કર્મ અને એટ્રોસિટી એક્ટ હેઠળ ગુન્હો નોંધી કાયદેસરની કાર્યવાહી હાથધરી છે. જેને પગલે જીલ્લા ભાજપના રાજકારણમાં હડકંપ મચ્યો છે.
સાબરકાંઠા યુવા ભાજપ મોરચાના મહામંત્રી અને તલોદ તાલુકાના ગંભીરપુરા ગામના સંજય રણછોડભાઈ પટેલે તેની 15 વીઘા જમીન ભાગે રાખી ખેતમજૂરી કરનાર ભાગીયાની પત્ની સાથે દુષ્કર્મ આચરવાની ફરીયાદ નોંધાઇ છે. 5 જૂન 2019ના રોજ ભાગિયો તેના છોકરાને સાયકલ લઈ આપવા બજારમાં જતા ખેતમજૂરની પત્ની ખેતરમાં પાણી વાળતી હતી. સાંજના સુમારે ખેતર માલિક સંજય પટેલે ખેતરમાં પહોંચી મહિલાને બાજુના ખેતરમાં ડ્રિપની પાઈપો અલગ પાડવાનું કહી બાજુના ખેતરમાં લઈ જઈ ખેતરના કુવા પર આવેલી ઓરડી ખોલવાનું કહેતા મહિલાએ ઓરડી ખોલતા કામુક બનેલા સંજય પટેલે મહિલાને ધક્કોમારી ઓરડીમાં મહિલા સાથે હેવાનિયત ભર્યું કરતૂત કરી કામાંધ બનેલા સંજય પટેલે દુષ્કર્મ આચરી પલાયન થઈ જતા ચકચાર મચી હતી.
Trending News
મહિલાએ તેની સાથે બનેલી ઘટનાની જાણ કરતા પતિ પણ ખેતર માલિકની હરકત થી ડઘાઈ ગયો હતો. બહુ મથામણ પછી દુષ્કર્મની ઘટનાના 13 દિવસ પછી તલોદ પોલીસ સ્ટેશને મહિલાએ તેના પતિ સાથે પહોંચી ફરિયાદ નોંધાવતા તલોદ પોલીસે મહિલાની ફરિયાદના આધારે સંજય રણછોડભાઈ પટેલ વિરુદ્ધ ઇપીકો કલમ-376,323 અને એટ્રોસિટી એક્ટ કલમ હેઠળ ગુન્હો નોંધી આરોપીને ઝડપી પાડવા ચક્રો ગતિમાન કર્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.