છરી બતાવી નરાધમે સગર્ભા સાથે આચર્યું દુષ્કર્મ, પતિ ગુજરાતમાં કરતો હતો…

મુંગેરની સગર્ભા સ્ત્રી સાથે બળાત્કારનો કિસ્સો સામે આવ્યો છે. એવું કહેવામાં આવી રહ્યું છે કે જ્યારે મહિલા ઘરે એકલી હતી ત્યારે આરોપીએ આ ઘટનાને અંજામ આપ્યો હતો. પોલીસ આ કેસની તપાસ કરી રહી છે અને આરોપીને પકડવા દરેક જગ્યાએ દરોડા પાડવામાં આવી રહ્યા છે.

બિહારના મુંગેરથી માનસજાતને શરમજનક બનાવનારી એક ઘટના સામે આવી છે. ધોળા દિવસે ઘરમાં ઘુસીને એક વ્યક્તિએ 19 વર્ષની ગર્ભવતી મહિલા સાથે બળાત્કાર કર્યો હતો. આ મહિલાને ગંભીર હાલતમાં સદર હોસ્પિટલમાં દાખલ કરાઈ છે. આ મામલે ડીએસપીનું કહેવું છે કે, આરોપીની ધરપકડ કરવાનો પ્રયાસ કરવામાં આવી રહ્યો છે. તેને પકડવા માટે અલગ અલગ જગ્યાએ દરોડા પાડવામાં આવી રહ્યા છે. આરોપીની ધરપકડ ટૂંક સમયમાં કરવામાં આવશે.

સગર્ભા સ્ત્રી પર બળાત્કાર
આ ઘટના બિહાર ના મુંગેરના મુફસીલ પોલીસ સ્ટેશન વિસ્તારના મિરઝાપુર બરદાહ ગામમાં, જ્યાં પડોશમાં રહેતા વ્યક્તિએ સગર્ભા મહિલા સાથે બળાત્કારની ઘટનાને અંજામ આપ્યો હતો. પીડિતાએ પોલીસને જણાવ્યું હતું કે તેનો પતિ ગુજરાતમાં એક ટ્રક ચલાવે છે અને ઘરે તે તેની જેઠાણી સાથે રહે છે. પીડિતાએ જણાવ્યું હતું કે જ્યારે તે ઘરે એકલી હતી ત્યારે પડોશમાં રહેતા આરોપીએ ઘરમાં પ્રવેશ કર્યો હતો અને છરી બતાવી તેના પર બળાત્કાર ગુજાર્યો હતો.

છરી બતાવી મહિલા પર બળાત્કાર ગુજાર્યો
આ કેસમાં પીડિતાની જેઠાણીએ પોલીસને જણાવ્યું હતું કે, આરોપી હંમેશા તેને હેરાન કરે છે. જ્યારે પણ પીડિતાને તેના ઘરે પાણી લેવા જવું પડતું ત્યારે તેની છેડતી કરતો હતો અને અશ્લીલ હરકતો કરતો હતો.