March 06, 2025
CISF Recruitment 2025: સેન્ટ્રલ ઇન્ડસ્ટ્રીયલ સિક્યોરિટી ફોર્સ (CISF)માં સરકારી નોકરી શોધી રહેલા યુવાનો માટે મોટી તક છે. CISF એ કોન્સ્ટેબલ ટ્રેડસમેનની (CISF Recruitment 2025) 1000 થી વધુ જગ્યાઓ પર ભરતી માટે જાહેરનામું બહાર પાડ્યું છે. જો કે, આ ભરતી માટેની અરજી પ્રક્રિયા હજી શરૂ થઈ નથી, પરંતુ રસ ધરાવતા ઉમેદવારો 3 માર્ચ, 2025 થી અરજી કરી શકશે.
મહત્વપૂર્ણ તારીખો
અરજી પ્રક્રિયાની શરૂઆતની તારીખ: 3 માર્ચ 2025
અરજી કરવાની છેલ્લી તારીખ: 3 એપ્રિલ 2025
કેવી રીતે અરજી કરવી: ઓનલાઈન
સત્તાવાર વેબસાઇટ: cisfrectt.cisf.gov.in
કોણ કરી શકે છે અરજી
CISF કોન્સ્ટેબલ ટ્રેડસમેન ભરતીમાં હાજર થવા માટે ઉમેદવારોએ નીચેના પાત્રતા માપદંડોને પૂર્ણ કરવા આવશ્યક છે.
માન્ય બોર્ડમાંથી ધોરણ 10 પાસ કરેલ હોવું જોઈએ.
સંબંધિત ટ્રેડમાં પ્રશિક્ષિત હોવું આવશ્યક છે.
પુરુષ ઉમેદવારોની લઘુત્તમ ઊંચાઈ 170 સેમી અને મહિલા ઉમેદવારોની લઘુત્તમ ઊંચાઈ 157 સેમી હોવી જોઈએ. અનામત વર્ગમાંથી આવતા ઉમેદવારોને ઉપરની ઊંચાઈમાં છૂટછાટ આપવામાં આવશે.
ઉમેદવારની લઘુત્તમ વય 18 વર્ષથી ઓછી ન હોવી જોઈએ અને મહત્તમ વય 23 વર્ષથી વધુ ન હોવી જોઈએ એટલે કે, ઉમેદવારનો જન્મ 2 ઓગસ્ટ 2002 થી 1 ઓગસ્ટ 2007 વચ્ચે થયો હોવો જોઈએ. અનામત કેટેગરીના ઉમેદવારોને નિયમો મુજબ ઉપરની વયમાં છૂટછાટ આપવામાં આવશે.
પાત્રતા અને માપદંડો વિશે વિગતવાર માહિતી માટે, ઉમેદવારોએ સત્તાવાર સૂચના જોવી આવશ્યક છે.
Trending News
પગાર અંગે માહિતી: CISF આ ભરતી દ્વારા કોન્સ્ટેબલ ટ્રેડસમેનની કુલ 1048 જગ્યાઓ પર ભરતી કરશે. જેમાં 945 જગ્યાઓ પુરૂષ ઉમેદવારો માટે અને 103 જગ્યાઓ મહિલા ઉમેદવારો માટે અનામત છે. આ પોસ્ટ પર પસંદ કરાયેલા ઉમેદવારોને પગાર સ્તર 3ના આધારે પગાર મળશે. પગાર રૂ. 21,700 થી રૂ. 69,100 સુધીનો હશે.
કેવી રીતે અરજી કરવી
અરજીઓ ઓનલાઈન માધ્યમથી કરવામાં આવશે. રસ ધરાવતા ઉમેદવારો 3 માર્ચ 2025 થી CISF cisfrectt.cisf.gov.in ની સત્તાવાર વેબસાઇટની મુલાકાત લઈને ઑનલાઇન અરજી કરી શકે છે. અરજી કરતા પહેલા, ઉમેદવારોએ ખાતરી કરવી આવશ્યક છે કે, તેઓ તમામ જરૂરી પાત્રતા માપદંડોને પૂર્ણ કરે છે. રસ ધરાવતા ઉમેદવારોને વિગતવાર માહિતી માટે અધિકૃત વેબસાઇટની મુલાકાત લેવાની અને અંતિમ તારીખ પહેલાં અરજી કરવાની સલાહ આપવામાં આવે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App