May 08, 2024
માર્ગશીર્ષ કૃષ્ણ પક્ષ અને મંગળવારની અષ્ટમી તારીખ છે. અષ્ટમી તીથી આજે સાંજે 5:30 વાગ્યે થશે. આજે શ્રી મહાકાલ ભૈરવ અષ્ટમી છે. એવું માનવામાં આવે છે કે, કાળ ભૈરવનો જન્મ આજે થયો હતો એટલે કે, માર્ગશીર્ષ કૃષ્ણ પક્ષની અષ્ટમીનાં દિવસે.
તમને જણાવી દઈએ કે, કાળ ભૈરવ ભગવાન શિવનું એક સ્વરૂપ છે. આ દિવસે કાળ ભૈરવની વિશેષ પૂજા કરવામાં આવે છે. શ્રી કાળભૈરવ નાથ તેમના ભક્તો પ્રત્યે ખૂબ દયાળુ છે. તેમની ઉપાસના ખૂબ ફળદાયક છે. આ દિવસે શ્રી ભૈરવની પૂજા કરવાથી વ્યક્તિને તમામ પ્રકારની મુશ્કેલીઓમાંથી મુક્તિ મળે છે.
તેમની પૂજા કરવાથી વ્યક્તિની નકારાત્મકતા, દુશ્મનો તેમજ ભય, રોગ વગેરેમાંથી છૂટકારો મળે છે. આની સાથે જ જીવનમાં વિજય મળે છે અને સુખ-સમૃદ્ધિ પ્રાપ્ત થાય છે. તેથી, આજનાં દિવસે શ્રી ભૈરવનાથની પૂજા કરવી જોઈએ.
ઈન્દુ પ્રકાશ ભૈરવને તંત્ર-મંત્રનો દેવતા માનવામાં આવે છે. તેમની કૃપાથી તમામ પ્રકારની તાંત્રિક ક્રિયાઓ નિરર્થક થઈ જાય છે અને વ્યક્તિને સુખ મળે છે તેમજ દરેક દેવીનું વાહન હોય છે. જેમ ગણેશજીને ઉંદર, માતા દુર્ગાને સિંહ તે જ રીતે ભૈરવજીનું વાહન કૂતરો છે. આજે કેટલાક વિશેષ ઉપાય કરવાથી તમને દરેક કાર્યમાં સફળતા મળી શકે છે.
Trending News
જો તમારે તણાવમાંથી છૂટકારો મેળવવો હોય તો સાંજે, હાથ-પગ, મોં ધોઈને ભૈરવજીની ધૂપ દીપથી વિધિપૂર્વક પૂજા કરો. જો તમને તમારા કોઈપણ વિશેષ કાર્યોમાં સફળતા પ્રાપ્ત થવાની ઇચ્છા હોય, તો તમારે આજે ભૈરવજીની વિધિવત પૂજા કરવી જોઈએ અને સુકા ફૂલથી તેમના માટે હવન કરવો જોઈએ.
‘नमामिशमीशान निर्वाण रूपं
विभुं व्यापकं ब्रह्म वेद स्वरूपं’।।
જો તમે તમારા ઘરમાં સુખ અને સમૃદ્ધિ જાળવવા માંગતા હો તો તમારે આજે ભૈરવજીની સામે ધૂપ પ્રગટાવવો જોઈએ અને તેમના આશીર્વાદ લેવાં જોઈએ કે, જેથી તમારો પરિવાર સમૃધ્ધ રહે.
જો તમે તમારા જીવનમાં મધુરતા ઉમેરવા માંગતા હો તો તમારે દૂધ, જલેબી શ્રી ભૈરવનાથને અર્પણ કરવા જોઈએ તેમજ તેમની સામે ઘીનો દીવો પ્રગટાવવો જોઈએ. આવું કરવાથી તમારા જીવનમાં મધુરતા આવશે.
જો તમારે કોઈ કેસ જીતવો હોય તો સવારે શુદ્ધ કપડાં પહેરીને શિવ મંદિરમાં જઈને શિવલિંગ ઉપર પાણી ચઢાવવું જોઈએ. પાંચ મુખી રુદ્રાક્ષ ચઢાવીને હાથ જોડીને ભગવાનને પ્રાર્થના કરવી જોઈએ. આજે આવું કરવાથી તમે કેસ જીતી શકશો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle
