સુરત શહેરમાં દબદબાભેર ઉજવાયો પ્રજાસત્તાક પર્વ, જુઓ ઝાંખીઓ

આજરોજ સમગ્ર દેશમાં 71 મો પ્રજાસત્તાક પર્વ ઉજવાય રહ્યો છે.એવામાં સુરત શહેર પોલીસ દ્વારા પણ પ્રજાસત્તાક પર્વની દબદબાભેર ઉજવણી કરવામાં આવી હતી.સુરતના પોલીસ પરેડ ગ્રાઉન્ડ ખાતે શહેર પોલીસ કમિશનર ના વરદ હસ્તે ધ્વજ વંદન કરવામાં આવ્યું હતું. ધ્વજવંદન બાદ રાષ્ટ્રગીતનુ ગાન કરવામાં આવ્યું હતું.

ત્યાર બાદ સાંસ્કૃતિક કાર્યક્રમ તેમજ પરેડ નો કાર્યક્રમ યોજાયો હતો. આ પરેડમાં પોલીસ દળની ટુકડીઓ જોડાઈ હતી. પોલીસ સ્ટાફ ઉપરાંત શહેરની ટ્રાફિક શાખા, ટીઆરબી અને પોલીસ ખાતાની મહિલા વિંગ એ પણ રેડ કરી હતી. જે વીડિયોમાં જોઇ શકાય છે.

આ ઉપરાંત શહેરની વિવિધ શાળાના બાળકો પણ રંગારંગ કાર્યક્રમ રજૂ કરશે. આ કાર્યક્રમમાં પોલીસ ખાતાના તમામ ઉચ્ચ અધિકારીઓ હાજર રહ્યા છે.