છેલ્લા 35 વર્ષથી દરરોજ 15 સિગરેટ પીતી હતી આ મહિલા- પરિણામે થયું એવું કે, જોઇને આખો પહોળી થઇ જશે

સૌ કોઈ જાણે જ છે કે, ધુમ્રપાન(Smoking) કરવાથી ખુબ જ નુકશાન થાય છે. આ એક એવી જ ઘટના છે. મળતી માહિતી અનુસાર, અહી ધુમ્રપાનને કારણે એક મહિલા તેની આંગળીઓ ગુમાવી છે. તે 13 વર્ષની ઉંમરથી સિગારેટ પીતી હતી. જોકે હવે તેણે ધૂમ્રપાન છોડી દીધું છે. પણ આંગળીઓનું સડવાનું બંધ ન થયું. ખાસ વાત એ છે કે તેનો કોઈ ઈલાજ નથી. શરૂઆતમાં, આ સ્ત્રીની આંગળીઓનો રંગ જાંબલીથી કાળો થઈ ગયો. પછી આંગળીઓ ઓગળવા લાગી છે.

આ મહિલાનું નામ મેલિન્ડા જેન્સેન વાન વ્યુરેન છે. જે 48 વર્ષની છે. તે દક્ષિણ આફ્રિકાની રહેવાસી છે. મહિલાએ કહ્યું કે ઓક્ટોબર 2021થી તેના હાથમાં ફેરફાર આવવા લાગ્યા. પહેલા તેના હાથને તાપમાનમાં થતા ફેરફારને સહન કરવામાં મુશ્કેલી થવા લાગી અને તે નરમ થવા લાગ્યો. ત્યારબાદ જ્યારે મહિલાની આંગળીઓ કાળી થઈ ગઈ, તો ડૉક્ટરે તેની તપાસ કરી અને જાણવા મળ્યું કે તેની આંગળીઓમાં આ ફેરફાર ધૂમ્રપાનને કારણે થઈ રહ્યો છે. ખાસ વાત એ છે કે આ રોગ ખૂબ જ દુર્લભ છે. જેમાં નાની અને મધ્યમ રક્તવાહિનીઓ લોહીના ગંઠાવાનું શરૂ કરે છે અને તે ફૂલી જાય છે.

13 વર્ષની ઉંમરથી સિગારેટ પીતી હતી:
જ્યારે મેલિન્ડાને ખબર પડી કે આ બધું સ્મોકિંગને કારણે થઈ રહ્યું છે ત્યારે તેણે સિગારેટ પીવાનું છોડી દીધું હતું. તેણે જણાવ્યું કે, તે 13 વર્ષની ઉંમરથી ધૂમ્રપાન કરતી હતી. તે દિવસમાં 15 સિગારેટ પીતી હતી. આ રોગ થયા બાદ તેણે ધુમ્રપાન છોડી દીધું હતું. આમ છતાં પણ તેની આંગળીઓ સડી રહી છે. તેણે તેના જમણા હાથની ત્રણ આંગળીઓનો ઉપરનો ભાગ અને ડાબા હાથની એક આંગળી ગુમાવી દીધી છે.