ગુંડારાજ: નિવૃત્ત નૌકાદળના અધિકારીએ મુખ્યમંત્રીનું કાર્ટૂન ફોરવર્ડ કર્યું તો ઢોર માર મારવામાં આવ્યો -વિડીયો વાયરલ

મહારાષ્ટ્રના ભારતીય જનતા પાર્ટી (ભાજપ)ના ધારાસભ્ય અતુલ ભટખલકરે આરોપ લગાવ્યો છે કે કાંદિવલીમાં નિવૃત્ત નૌકાદળના અધિકારીને કેટલાક શિવસૈનિકોએ માર માર્યો હતો, કારણ કે તેમણે સોશિયલ મીડિયા પર મુખ્યમંત્રી ઉદ્ધવ ઠાકરે વિશેનું કાર્ટૂન આગળ ફોરવર્ડ કર્યું હતું. એફઆઈઆર નોંધવામાં આવી છે અને કમલેશ કદમ અને 8 થી 10 લોકો પર આરોપ મૂકવામાં આવ્યો છે. એક અધિકારીએ જણાવ્યું કે આ ઘટના સવારે 11.30 વાગ્યે ઉપનગરીય કાંદિવલીના લોખંડવાલા સંકુલ વિસ્તારમાં બની. 65 વર્ષીય મદન શર્મા કાંદિવલી પૂર્વના ઠાકુર સંકુલની વસંત પ્રાઇડ સહકારી મંડળીમાં રહે છે.

अभिनेत्री कंगना राणावत के कार्यालय की तोड़फोड़ करके अपनी मर्दानगी दिखाने वाले सत्ताधारी शिवसेना ने अब सत्ता के मद में एक बुजुर्ग भूतपूर्व नौसेना अधिकारी मदन शर्मा को मारपीट करते हुए उनकी आंख को जबरदस्त चोट पहुंचाई है। मुख्यमंत्री घरबैठे तानाशाही चला रहे है। pic.twitter.com/qF2NVcIN55

— Atul Bhatkhalkar (@BhatkhalkarA) September 11, 2020

જે બાદ પોલીસે અત્યાર સુધી કદમ સહિત ચાર લોકોની ધરપકડ કરી છે. પૂર્વ નેવી ઓફિસરનું નામ મદન શર્મા છે અને તે એટલી ભૂલ હતી કે તેણે વોટ્સએપ પર એક કાર્ટૂન ફોરવર્ડ કર્યું હતું. ભૂતપૂર્વ નૌકાદળ અધિકારીએ જણાવ્યું હતું કે, “મેં આગળ મોકલેલા સંદેશ પછી મને ધમકીભર્યા કોલ્સ મળી રહ્યા હતા. આજે લગભગ 8-10 લોકોએ મારા પર હુમલો કર્યો અને મને ખરાબ રીતે માર માર્યો. મેં સમગ્ર જીવન રાષ્ટ્ર માટે વિતાવ્યું. કામ કર્યું છે. આવી સરકાર હોવી જોઈએ નહીં.

તમને જણાવી દઈએ કે ભૂતપૂર્વ નેવી અધિકારીની પુત્રી ડો.શીલા શર્માએ કહ્યું હતું – સંદેશ મોકલ્યા બાદ તેમને ધમકીભર્યા કોલ આવ્યા. શિવસેનાના અનેક કાર્યકરોએ તેમને ખરાબ રીતે માર માર્યો હતો. તે પછી પોલીસ અમારા ઘરે આવી અને અમારા પિતાને સાથે લઈ ગઈ. અમે એફઆઈઆર નોંધાવી છે.