ઝોંકુ આવવાને લીધે નહી, પરંતુ આ કારણોસર થયો દર્દનાક અકસ્માત- રિષભ પંતે ખુદ જણાવ્યું

ભારતીય ટીમના સ્ટાર ક્રિકેટર રિષભ પંત(Rishabh Pant)ના કાર અકસ્માત(Accident) કેસમાં હવે મોટો ખુલાસો થયો છે. રિષભ પંતે પોતે આ ખુલાસો કર્યો છે. અકસ્માત બાદ જ્યારે પંતને રૂડકીની સક્ષમ હોસ્પિટલમાં લઈ જવામાં આવ્યા હતા. ત્યારપછી પંતે કહ્યું હતું કે ઝોંકુ આવવાને કારણે કાર ડિવાઈડર સાથે અથડાઈ હતી.

અકસ્માત બાદ રિષભ પંતને દેહરાદૂનની મેક્સ હોસ્પિટલમાં રિફર કરવામાં આવ્યો હતો. પંતને મળવા માટે દિલ્હી અને ડિસ્ટ્રિક્ટ ક્રિકેટ એસોસિએશન (DDCA)ની એક ટીમ પણ અહીં પહોંચી છે. આ દરમિયાન ઋષભ પંતે ડીડીસીએના ડિરેક્ટર શ્યામ શર્માને મળીને નવો ખુલાસો કર્યો છે. શ્યામ શર્માએ એજન્સીને આ માહિતી આપી છે.

ખાડાના ચક્કરમાં સર્જાયો અકસ્માત:
જ્યારે શ્યામ શર્મા રિષભ પંતને તેની હાલત વિશે પૂછવા મળ્યા, ત્યારે અકસ્માત કેવી રીતે થયો? તેના વિશે પણ વાત કરી. તેના પર પંતે ખુલાસો કર્યો કે ખાડો સામે આવી ગયો હતો અને તેના ચક્કરમાં આ અકસ્માત સર્જાયો હતો. વાસ્તવમાં, શ્યામ શર્માને પૂછવામાં આવ્યું હતું કે પંતે અકસ્માતનું શું કારણ આપ્યું? આના પર ડીડીસીએના ડિરેક્ટરે એજન્સીને કહ્યું, ‘રાતનો સમય હતો… ખાડા જેવું કઈ સામે આવ્યું અને તેના ચક્કરમાં આ ઘટના ઘટી’.

BCCI લંડનમાં પંતની સારવાર અંગે નિર્ણય લેશે:
શ્યામ શર્માએ કહ્યું કે, રિષભ પંતને અત્યારે એરલિફ્ટ કરવાની જરૂર નથી. હાલ તેમને દિલ્હી શિફ્ટ કરવામાં આવશે નહીં. જો રિષભ પંતને અસ્થિબંધનની સારવાર માટે લંડન લઈ જવો પડશે તો તે BCCI દ્વારા નક્કી કરવામાં આવશે. BCCI રિષભ પંતને ગમે ત્યાં શિફ્ટ કરવાનો નિર્ણય લેશે. રિષભ પંતને થોડો દુખાવો છે, પરંતુ તે હજી પણ હસતો રહ્યો છે. BCCI તમામ ડોક્ટરોના સંપર્કમાં છે.